ಭಾರತಕ್ಕೆ ಬರುತ್ತಿವೆ ಚೀನಾದ ವಾಹನ ಕಂಪನಿಗಳು

"ಭಾರತ ಮತ್ತು ಚೀನಾದ ವಾಹನೋದ್ಯಮದ ನಡುವೆ ಸಾಕಷ್ಟು ಡೀಲ್ ಆರಂಭವಾಗಿದೆ. ಶಾಂಘೈ ಆಟೋಮೋಟಿವ್ ಇಂಡಿಸ್ಟ್ರಿ ಕಾರ್ಪೊರೇಷನ್ ಈಗಾಗಲೇ ದೇಶವನ್ನು ಪ್ರವೇಶಿಸುವ ಪ್ರಕ್ರಿಯೆ ಆರಂಭಿಸಿದೆ. ಚೆರಿ, ಬ್ರಿಲಿಯನ್ಸ್, ಜೆಎಸಿ, ಬಿವೈಡಿ ಮುಂತಾದ ಕಂಪನಿಗಳು ಇಲ್ಲಿ ವಹಿವಾಟು ಆರಂಭಿಸುವ ಪ್ರಕ್ರಿಯೆಯಲ್ಲಿವೆ" ಎಂದು ಉದ್ಯಮ ಮೂಲಗಳು ತಿಳಿಸಿವೆ. ಈ ಕುರಿತು ಚೀನಾ ಕಂಪನಿಗಳಿಗೆ ಇಮೇಲ್ ಮಾಡಿದ್ದರೂ ಯಾವುದೇ ಪ್ರತಿಕ್ರಿಯೆ ದೊರಕಿಲ್ಲ.

ಜಗತ್ತಿನ ಎರಡನೇ ಬೃಹತ್ ವಾಹನ ಮಾರುಕಟ್ಟೆ ಇನ್ನು ಮುಂದೆ ಭಾರತದಲ್ಲಿ ಉತ್ಪಾದನೆ ಆರಂಭಿಸಲಿದೆ. ಇದರಲ್ಲಿ ಚೀನಾದ ಪ್ರಮುಖ ಪ್ರಯಾಣಿಕ ಕಾರ್ ಚೆರಿ ಇಂಟರ್ ನ್ಯಾಷನಲ್ ದೇಶದ ಮಾರುಕಟ್ಟೆಗೆ ಪ್ರವೇಶಿಸುವ ಪ್ರಕ್ರಿಯೆಗೆ ತೊಡಗಿದೆ. ಇದೇ ರೀತಿ ಬ್ರಿಲಿಯನ್ಸ್ ಆಟೋ ಕೂಡ ತನ್ನ ಪ್ರಯಾಣಿಕ ಕಾರ್ "ಬ್ರಿಲಿಯೆನ್ಸ್" ಮೂಲಕ ದೇಶದ ಮಾರುಕಟ್ಟೆಗೆ ಪ್ರವೇಶಿಸಲಿದೆ. ಕಂಪನಿ ಮಿನಿ ಬಸ್ ಮತ್ತು ಕಾರ್ಗೊ ವ್ಯಾನ್ ಗಳನ್ನು ಕೂಡ ಇಲ್ಲಿ ಮಾರಾಟ ಮಾಡುವ ನಿರೀಕ್ಷೆಯಿದೆ.