ಮಹೀಂದ್ರ ಜಂಟಿ ಕಂಪನಿಯಿಂದ ಅವಳಿ ಟ್ರಕ್

ನೂತನ ಉತ್ಪನ್ನಗಳೆರಡು ಜಂಟಿ ಉದ್ಯಮಕ್ಕೆ ಹೊಸ ಐಡೆಂಟೆಟಿ ನೀಡಲಿದೆ ಮತ್ತು ಈ ಸೆಗ್ಮೆಂಟ್ ನಲ್ಲಿ ಸದೃಢ ವಹಿವಾಟಿಗೆ ನೆರವಾಗಲಿದೆ ಎಂದು ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕರು ಹೇಳಿದ್ದಾರೆ. ಇವೆರಡು ಟ್ರಕ್ ಗಳು ಇಂಧನ ದಕ್ಷತೆಯನ್ನು ಹೊಂದಿದ್ದು, ಆರಾಮದಾಯಕತೆ ಫೀಚರ್ ಗಳನ್ನು ಹೊಂದಿದೆ ಎಂದರು. ದೇಶದ ವಾಹನ ಮಾರುಕಟ್ಟೆಯಲ್ಲಿ ವಾಣಿಜ್ಯ ಉದ್ದೇಶದ ವಾಹನಗಳಿಗೆ ಬೇಡಿಕೆ ಹೆಚ್ಚುತ್ತಿದ್ದು ಕಂಪನಿಯು ಪೂರ್ಣವಾಗಿ ತೊಡಗಿಸಿಕೊಳ್ಳಲಿದೆ ಎಂದು ಕಂಪನಿಯ ಸಿಇಒ ಹೇಳಿದ್ದಾರೆ.

ನೂತನ ಟ್ರಕ್ ಗಳನ್ನು ಅಮೆರಿಕದ 175 ವರ್ಷಗಳಷ್ಟು ಹಳೆಯ ಅನುಭವಿ ಕಂಪನಿ ನವಿಸ್ಟಾರ್ ನೆರವಿನಿಂದ ತಯಾರಿಸಲಾಗಿದೆ. ಮಾರ್ಚ್ ವೇಳೆಗೆ ಕಂಪನಿಯು 45 ಡೀಲರ್ ಗಳನ್ನು ಹೊಂದಿರಲಿದೆ. ಮುಂದಿನ 18ರಿಂದ 24 ತಿಂಗಳಲ್ಲಿ ಡೀಲರ್ ನೆಟ್ ವರ್ಕ್ ನ್ನು ನೂರಕ್ಕೆ ಮುಟ್ಟಿಸುವ ಗುರಿಯನ್ನು ಕಂಪನಿ ಹೊಂದಿದೆ ಎಂದು ಅವರು ಹೇಳಿದ್ದಾರೆ.