ಆಪೆಗೊಬ್ಬ ತಮ್ಮ, ಪಿಯಾಗಿಯೊ "ಆಪೆ ಮಿನಿ"

ಆಪೆ ಮಿನಿ ಎಂಬುದು 0.5 ಟನ್ ಸಾಮರ್ಥ್ಯದ ಟ್ರಕ್. ಗ್ರಾಹಕರ ಕೈಸೇರಲು ಇನ್ನೂ ನಾಲ್ಕು ತಿಂಗಳು ಕಾಯಬೇಕು. ಇದರ ದರ 1.73 ಲಕ್ಷ ರೂ. ಎಂದು ಕಂಪನಿ ಪ್ರಕಟಿಸಿದೆ. ಮೂರು ಚಕ್ರದ ಆಪೆಯೊಂದಿಗೆ ನೂತನ ನಾಲ್ಕು ಚಕ್ರದ ಆಪೆ ಮಿನಿ ತನ್ನ ಸೆಗ್ಮೆಂಟ್ ನಲ್ಲಿ ಸಾಕಷ್ಟು ಬೇಡಿಕೆ ಪಡೆದುಕೊಳ್ಳುವ ನಿರೀಕ್ಷೆಯನ್ನು ಕಂಪನಿಯ ನಿರ್ದೇಶಕರು ವ್ಯಕ್ತಪಡಿಸಿದ್ದಾರೆ. ಕಳೆದ ವರ್ಷ ಪಿಯಾಜಿಯೊ ಸುಮಾರು 1.96 ಲಕ್ಷ ಮೂರು ಚಕ್ರದ ವಾಹನಗಳನ್ನು ಮಾರಾಟ ಮಾಡಿತ್ತು.

ಮಹಾರಾಷ್ಟ್ರದ ಘಟಕದಲ್ಲಿ ವಾರ್ಷಿಕವಾಗಿ 2 ಲಕ್ಷ ಯೂನಿಟ್ ಮೂರು ಚಕ್ರದ ವಾಹನಗಳನ್ನು ಮತ್ತು ನಾಲ್ಕು ಚಕ್ರದ ಒಂದು ಲಕ್ಷ ವಾಹನಗಳನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಪಿಯಾಜಿಯೊ ಹೊಂದಿದೆ. ದೊಡ್ಡ ವಾಹನಗಳಿಗಿಂತ ಇಂತಹ ಸಣ್ಣ ವಾಹನಗಳು ಬೃಹತ್ ನಗರಗಳಲ್ಲಿ ಉಪಯೋಗಿಯಾಗಿದ್ದು, ಸಂಚಾರ ದಟ್ಟಣೆಯನ್ನೂ ಕಡಿಮೆ ಮಾಡುತ್ತವೆ ಎಂದು ಅವರು ಹೇಳಿದ್ದಾರೆ.