ಜಾಗ್ಗ್ವಾರ್ ಲ್ಯಾಂಡ್ ರೋವರ್ ನಲ್ಲಿ 2 ಸಾವಿರ ಉದ್ಯೋಗವಕಾಶ

ಕಂಪನಿಯ ಕಾರ್ ಮಾರಾಟ ಗಣನೀಯವಾಗಿ ಏರಿಕೆ ಕಾಣುತ್ತಿದೆ. ಹೀಗಾಗಿ ಮುಂದಿನ 2 ವರ್ಷಗಳಲ್ಲಿ ಟಾಟಾ ಮೋಟರ್ಸ್ ಸುಮಾರು 2 ಸಾವಿರ ಸಿಬ್ಬಂದಿ ನೇಮಕ ಮಾಡಿಕೊಳ್ಳಲಿದೆ. ಆದರೆ ಈ ವರ್ಷ ಇಂಗ್ಲೆಂಡ್ ನಲ್ಲಿ ಜಾಗ್ವರ್ ಆಂಡ್ ಲ್ಯಾಂಡ್ ರೋವರ್ ಶೇ. 11ರಷ್ಟು ಉದ್ಯೋಗ ಕಡಿತ ಮಾಡಿ, ಸುಮಾರು 400 ಸಿಬ್ಬಂದಿಗಳಿಗೆ ಗೇಟ್ ಪಾಸ್ ನೀಡುವುದಾಗಿ ಹೇಳಿತ್ತು.

ಈಗ ಕಂಪನಿಯು ಒಟ್ಟು 18 ಸಾವಿರ ಸಿಬ್ಬಂದಿಗಳನ್ನು ಹೊಂದಿದ್ದು ಮುಂದಿನ 2 ವರ್ಷಗಳಲ್ಲಿ 20 ಸಾವಿರ ಗಡಿ ಮುಟ್ಟಿಸಲು ಬಯಸಿದೆ. ಕಂಪನಿಯು ಪ್ರಸಕ್ತ ವರ್ಷ ಹೊರತರಲು ಉದ್ದೇಶಿಸಿರುವ ಹೊಸ ಉತ್ಪನ್ನಗಳಿಗಾಗಿ ನೇಮಕಾತಿ ಕೈಗೊಳ್ಳಲಿದೆ. ಜಾಗ್ವಾರ್ ಆಂಡ್ ಲ್ಯಾಂಡ್ ರೋವರ್ ಕಂಪನಿಯು ತನ್ನ ಹಣಕಾಸು, ಮಾರುಕಟ್ಟೆ, ಎಂಜಿನಿಯರಿಂಗ್ ಅಭಿವೃದ್ಧಿ ಮತ್ತು ಐಟಿ ವಿಭಾಗಕ್ಕೆ ನೇಮಕಾತಿ ಮಾಡಲಿದೆ.