ಮಾರುತಿ ಎ-ಸ್ಟಾರ್ ಮಾರಾಟಕ್ಕೆ ಮುಂದಾದ ವೋಕ್ಸ್ ವ್ಯಾಗನ್

ವೋಕ್ಸ್ ವ್ಯಾಗನ್ ನೆಟ್ ವರ್ಕ್ ಮೂಲಕ ಎ-ಸ್ಟಾರ್ ಕಾರ್ ಮಾರಾಟ ಮಾಡುವ ಒಪ್ಪಂದ ಇದೀಗ ಚರ್ಚೆಯ ಹಂತದಲ್ಲಿದೆಯೆಂದು ಮಾರುತಿ ಸುಜುಕಿ ಸಿಇಒ ಮತ್ತು ಎಂಡಿ ಸ್ಪಷ್ಟಪಡಿಸಿದ್ದಾರೆ. ಐರೋಪ್ಯ ಮಾರುಕಟ್ಟೆಯಲ್ಲಿ ಎ-ಸ್ಟಾರ್ 2009ರಿಂದಲೇ ಮಾರಾಟವಾಗುತ್ತಿದ್ದು ಮಾರುತಿ ಸುಜುಕಿಯ ಪ್ರಮುಖ ಫ್ಲಾಗ್ ಷಿಪ್ ಮಾಡೆಲಾಗಿ ಹೊರಹೊಮ್ಮಿದೆ. ಸುಮಾರು 100 ದೇಶಗಳಲ್ಲಿ ಎ-ಸ್ಟಾರ್ ಮಾರಾಟ ಕಾಣುತ್ತಿದೆ.

ಇದನ್ನು ಸುಮಾರು 250 ಕೋಟಿ ಡಾಲರ್ ಗೆ ಶೇ. 19.9ರಷ್ಟು ಪಾಲು ಪಡೆಯಲು ವೋಕ್ಸ್ ವ್ಯಾಗನ್ ನಿರ್ಧರಿಸಿದೆ. ಜೊತೆಗೆ ಕಂಪನಿಗಳೆರಡು ಜಂಟಿಯಾಗಿ ಉತ್ಪನ್ನಗಳ ಉತ್ಪಾದನೆ ಮತ್ತು ವಿನ್ಯಾಸ ಮಾಡುವ ಒಪ್ಪಂದಕ್ಕೂ ಸಹಿ ಹಾಕುವ ನಿರೀಕ್ಷೆಯಿದೆ. ಜೊತೆಗೆ ಡೀಸಲ್ ತಂತ್ರಜ್ಞಾನದ ಸೆಗ್ಮೆಂಟ್ ಗೆ ಕಂಪನಿಗಳೆರಡು ಒಟ್ಟಾಗಿ ಪ್ರವೇಶಿಸುವ ಸಾಧ್ಯತೆಯಿದೆ ಎಂದು ಉದ್ಯಮ ಮೂಲಗಳು ಹೇಳಿವೆ.