ಮಧ್ಯಮ ವರ್ಗದ ಗ್ರಾಹಕರಿಗೆ ರೆನಾಲ್ಟ್ ನಿಂದ 5 ಹೊಸ ಕಾರ್

Published: Thursday, March 17, 2011, 17:54 [IST]

ಫ್ರಾನ್ಸ್ ನ ರೆನಾಲ್ಟ್ 5 ಹೊಸ ಕಾರ್ ಗಳನ್ನು ಭಾರತದ ಮಾರುಕಟ್ಟೆಗೆ ಪರಿಚಯಿಸಲಿದೆ. ಆದರೆ ಅದು 2012ಕ್ಕೆ. ಇದಕ್ಕಾಗಿ ಕಂಪನಿಯು ಜಪಾನಿನ ನಿಸ್ಸಾನ್ ನೊಂದಿಗೆ ಸೇರಿ ಚೆನ್ನೈನಲ್ಲಿ ಘಟಕ ನಿರ್ಮಿಸಲು ಸುಮಾರು 4,500 ಕೋಟಿ ರೂ. ಹೂಡಿಕೆ ಮಾಡಲಿದೆ. ಕಂಪನಿಯು ಮುಂದಿನ ನಾಲ್ಕರಿಂದ ಐದು ವರ್ಷಗಳಲ್ಲಿ ಸುಮಾರು 70 ಸಾವಿರ ಕಾರ್ ಉತ್ಪಾದಿಸುವ ಗುರಿ ಹೊಂದಿದೆ. ಆದರೆ ಕಂಪನಿಯ ಫ್ಲ್ಯೂಯೆನ್ಸ್ ಸೆಡಾನ್ ಕಾರ್ 2011ರ ಮೇ ತಿಂಗಳಿಗೆ ದೇಶದ ರಸ್ತೆಗಿಳಿಯಲಿದೆ. ಇದರೊಂದಿಗೆ ಈ ವರ್ಷದ ಅಕ್ಟೋಬರ್ ನಲ್ಲಿ ಸ್ಪೋರ್ಟ್ ಯುಟಿಲಿಟಿ ವೆಹಿಕಲ್ ಕೊಲಿಯೊಸ್ ದೇಶದ ರಸ್ತೆಗಿಳಿಯಲಿದೆ.

"2015ಕ್ಕೆ ಮುನ್ನ ಕಂಪನಿಯು ಸುಮಾರು 4,500 ಕೋಟಿ ರೂ. ಹೂಡಿಕೆ ಮಾಡಲಿದೆ. ಆರಂಭದಲ್ಲಿ ಕಂಪನಿಯು ಫ್ಯೂಯೆನ್ಸ್ ಕಾರನ್ನು ಹೊರತರಲಿದೆ" ಎಂದು ರೆನಾಲ್ಟ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಮೆರ್ಕ್ ನಾಸೀಫ್ ಹೇಳಿದ್ದಾರೆ. ಭಾರತ, ರಷ್ಯಾ ಮತ್ತು ಬ್ರೆಝಿಲ್ ದೇಶಗಳು ಕಂಪನಿಯ ವಿಸ್ತರಣಾ ಯೋಜನೆಯಲ್ಲಿರುವ ಅಗ್ರ ರಾಷ್ಟ್ರಗಳಾಗಿವೆ ಎಂದರು. ಇದರೊಂದಿಗೆ ಕಂಪನಿಯು ದೇಶದಲ್ಲಿ ಸುಮಾರು 10ಕ್ಕೂ ಹೆಚ್ಚು ಡೀಲರ್ ಷಿಪ್ ಕೇಂದ್ರಗಳನ್ನು ತೆರೆಯಲು ಉದ್ದೇಶಿಸಿದೆ. ಕಂಪನಿಯು ದೇಶದ ಮಧ್ಯಮ ವರ್ಗದ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ಕಾರ್ ಬಿಡುಗಡೆ ಮಾಡಲಿದೆಯಂತೆ!

Article Published On: Thursday, March 17, 2011, 17:54 [IST]

English summary

Renault to roll-out five new car models in the Indian market by year 2012. The company is investing Rs 4,500 crore for establishing plant at Chennai with partner Nissan. Fluence sedan will be rolled-out in India by May 2011. The Koleos SUV will hit the country roads by October 2010.

More from DriveSpark