ಒಪೆಲ್ ನ್ನು ಮತ್ತೆ ಮಾರಾಟ ಮಾಡಲು ಜಿಎಂ ನಿರ್ಧಾರ!

Published: Monday, June 13, 2011, 12:43 [IST]

ಅಮೆರಿಕದ ಕಾರು ತಯಾರಿಕ ಕಂಪನಿ ಜನರಲ್ ಮೋಟರ್ಸ್ ತನ್ನ ಸಹಸಂಸ್ಥೆ ಒಪೆಲ್ ನ್ನು ಮಾರಾಟಮಾಡಲು ಯೋಜಿಸಿದೆ ಎಂದು ಆಟೋ ಬಿಲ್ಡ್ ಮತ್ತು ಸ್ಪಿಗಲ್ ಆನ್ ಲೈನ್ ವರದಿ ಮಾಡಿದೆ. ಜರ್ಮನಿಯ ಮೀಡಿಯ ಹೌಸ್ ತನ್ನ ವೆಬ್ ಸೈಟ್ ನಲ್ಲಿ ಚೈನಿಸ್ ಕಾರು ಕಂಪನಿ ಅಥವಾ ಜರ್ಮನ್ ಫೋಕ್ಸ್ ವ್ಯಾಗನ್ ಗೆ ಮಾರಾಟ ಮಾಡುವ ಸಾಧ್ಯತೆಯಿದೆ ಎಂದಿದೆ.

2009ರಲ್ಲಿಯೇ ಆರ್ಥಿಕ ಬಿಕ್ಕಟ್ಟಿನಿಂದ ದಿವಾಳಿಯಂಚಿಗೆ ತಲುಪಿದ್ದ ಜನರಲ್ ಮೋಟರ್ಸ್ ಒಪೆಲನ್ನು ಮಾರಾಟ ಮಾಡಲು ಯತ್ನಿಸಿತ್ತು. ಹಲವು ಕಂಪನಿಗಳೊಂದಿಗೆ ಚೌಕಾಶಿ ನಡೆಸಿದ ನಂತರ ಒಪೆಲ್ ಮಾರಾಟ ನಿರ್ಧಾರದಿಂದ ಜಿಎಂ ಹಿಂದೆ ಸರಿದಿತ್ತು.

ನಂತರ ಜಿಎಮ್ 160 ಕೋಟಿ ಡಾಲರ್ ಹೂಡಿಕೆ ಮಾಡಿ ಒಪೆಲ್ ನ್ನು ಮರುರೂಪಿಸಿತ್ತು. ಇದೀಗ ಒಪೆಲ್ ಉತ್ತುಂಗದಲ್ಲಿರುವಾಗ ಜಿಎಂ ಮಾರಾಟ ಮಾಡಲಿದೆ ಎನ್ನುವ ವದಂತಿ ಹಲವರ ಹುಬ್ಬೇರಿಸುವಂತೆ ಮಾಡಿದೆ. ಆದರೆ ಈ ವದಂತಿಯನ್ನು ಒಪೆಲ್ ತಳ್ಳಿಹಾಕಿದೆ.

Article Published On: Monday, June 13, 2011, 12:43 [IST]

English summary

General Motors, the American car giant, is considering to sell its European arm Opel according to Auto Bild and Spiegel Online. The German media house in its website has indicated that interested parties of General Motors' sale of Opel could be Chinese carmakers or Germany's Volkswagen that has a war chest of almost 20 billion Euros ($29.3 billion).

More from DriveSpark