ಗುಜರಾತಿನಲ್ಲಿ ಎರಡನೇ ಘಟಕ ನಿರ್ಮಿಸಲು ಫೋರ್ಡ್ ಆಸಕ್ತಿ

"ಫೋರ್ಡ್ ಉತ್ಪಾದನಾ ಘಟಕಕ್ಕೆ ಸುಮಾರು 400 ಎಕರೆ ಭೂಮಿ ನೀಡುವಂತೆ ಸರಕಾರದ ಮನವಿಯು ಅಹಮಾದಬಾದ್ ಜಿಲ್ಲಾ ಕಲೆಕ್ಟರ್ ಗೆ ದೊರಕಿದೆ" ಎಂದು ಸರಕಾರಿ ಮೂಲಗಳು ತಿಳಿಸಿವೆ. ಫೋರ್ಡಿಗೆ ವಿತರಿಸಲು ನಿರ್ಧರಿಸಲಾಗಿರುವ ಭೂಮಿಯು ಟಾಟಾ ನ್ಯಾನೊ ಘಟಕಕ್ಕೆ ಹತ್ತಿರದಲ್ಲಿದೆ" ಎಂದು ಮೂಲಗಳು ತಿಳಿಸಿವೆ.

"ಉತ್ಪಾದನಾ ಘಟಕ ನಿರ್ಮಿಸುವ ಕುರಿತು ಫೋರ್ಡ್ ಗುಜರಾತ್ ಸರಕಾರದೊಂದಿಗೆ ಚರ್ಚಿಸುತ್ತಿದೆ. ಇದಕ್ಕಾಗಿ ಆ ಕಂಪನಿಯು ಸುಮಾರು 5 ಸಾವಿರ ಕೋಟಿ ರು. ಹೂಡಿಕೆ ಮಾಡಲಿದೆ. ಉತ್ಪಾದನಾ ಘಟಕಕ್ಕಾಗಿ ಸರಕಾರವು ಸುಮಾರು 400 ಎಕರೆ ಭೂಮಿ ನೀಡಲಿದೆ" ಎಂದು ರಾಜ್ಯ ಸರಕಾರಿ ಅಧಿಕಾರಿಯೊಬ್ಬರು ಹೇಳಿದ್ದಾರೆ.(ಪಿಟಿಐ)