ಆಡಿ ಎಕ್ಸ್6ಗೆ ಪೈಪೋಟಿ ನೀಡುವುದೇ ಬೆಂಝ್ ಜಿಎಲ್ಎಸ್

Published: Thursday, June 23, 2011, 16:12 [IST]

ದೇಶದ ರಸ್ತೆಯಲ್ಲಿ ಮರ್ಸಿಡಿಸ್ ಗೆ ಪ್ರಬಲ ಎದುರಾಳಿಯೆಂದರೆ ಆಡಿ. ಅದರಲ್ಲೂ ಆಡಿ ಎಕ್ಸ್6 ಕಾರುಗಳು ಇಲ್ಲಿ ಉತ್ತಮ ಬೇಡಿಕೆ ಪಡೆದುಕೊಳ್ಳುತ್ತಿವೆ. ಇದೇ ಆಡಿ ಎಕ್ಸ್6ಗೆ ಪ್ರಬಲ ಪೈಪೋಟಿ ನೀಡಲು ಮರ್ಸಿಡಿಸ್ ರೆಡಿಯಾಗುತ್ತಿದೆ. ಅದಕ್ಕಾಗಿ ದೇಶದ ರಸ್ತೆಗೆ ಮರ್ಸಿಡಿಸ್ ಜಿಎಲ್ಎಸ್ ಎಂಬ ಲಕ್ಷುರಿ ಕಾರನ್ನು ಹೊರತರಲು ಯೋಜಿಸಿದೆ.

ಕೂಪ್ ಮಾದರಿಯ ಜಿಎಲ್ಎಸ್ ಕೂಪ್ ಆವೃತ್ತಿಯನ್ನು ಮರ್ಸಿಡಿಸ್ 2014ರ ವೇಳೆಗೆ ಭಾರತದ ರಸ್ತೆಗೆ ಪರಿಚಯಿಸಲಿದೆ. ಇದು ಮರ್ಸಿಡಿಸ್ ಎಂ ಕ್ಲಾಸ್ ಪ್ಲಾಟ್ ಫಾರ್ಮ್ ನಲ್ಲಿ ಹೊರಬರಲಿದೆ.

ನೂತನ ಕಾರಿನ ತಾಂತ್ರಿಕ ಮಾಹಿತಿಗಳನ್ನು ಕಂಪನಿ ಬಹಿರಂಗಪಡಿಸಿಲ್ಲ. ವಿ6 ಕಾರಿನಲ್ಲಿರುವ ಟರ್ಬೊಚಾರ್ಜ್ಡ್ 3.5 ಲೀಟರ್ ಎಂಜಿನ್ ಅಥವಾ ವಿ8 ಕಾರಿನ ಪವರ್ ಟ್ರೈನ್ ಹೊಂದಿರುವ ನಿರೀಕ್ಷೆಯನ್ನು ಕಂಪನಿ ಮೂಲಗಳು ವ್ಯಕ್ತಪಡಿಸಿವೆ.