ಸಂತಾನಹರಣ ಶಸ್ತ್ರಚಿಕಿತ್ಸೆ ಮಾಡಿ, ನ್ಯಾನೊ ಕಾರು ಗೆಲ್ಲಿರಿ

ಬಹುಮಾನದ ಪಟ್ಟಿಯಲ್ಲಿ ನ್ಯಾನೊ ಮಾತ್ರವಲ್ಲದೇ 5 ಮೋಟರ್ ಸೈಕಲ್, 21 ಇಂಚಿನ 5 ಕಲರ್ ಟೆಲಿವಿಷನ್, 7 ಮಿಕ್ಸರ್ ಗ್ರೈಂಡರ್ ಕೂಡ ಇದೆ. "ನಮ್ಮ ಜಿಲ್ಲೆಯಲ್ಲಿ ಜನಸಂಖ್ಯೆ ನಿಯಂತ್ರಿಸುವುದು ಈ ಆಫರ್ ಗುರಿಯಾಗಿದೆ" ಎಂದು ಝಂಝುನು ಜಿಲ್ಲೆಯ ಮುಖ್ಯ ಮೆಡಿಕಲ್ ಆಫಿಸರ್(ಸಿಎಂಒ) ಸೀತಾರಾಮ್ ಶರ್ಮಾ ಹೇಳಿದ್ದಾರೆ. ಕಳೆದ ಹತ್ತು ವರ್ಷಗಳಲ್ಲಿ ಝುಂಝುನು ಜಿಲ್ಲೆಯಲ್ಲಿ ಜನಸಂಖ್ಯೆ ಶೇ 11.8ರಷ್ಟು ಏರಿಕೆ ಕಂಡಿದೆ.

ದೇಶದ ಜನಸಂಖ್ಯೆ ದಿನದಿಂದ ದಿನಕ್ಕೆ ಏರಿಕೆ ಕಾಣುತ್ತಿದೆ. ಸರಕಾರವು ಹಲವು ಆಮೀಷಗಳನ್ನು ಒಡ್ಡಿದ್ದರೂ, ನಾವಿಬ್ಬರು ನಮಗೊಂದೇ ಸಾಕು ಎಂದರೂ ಜನಸಂಖ್ಯೆ ಇಳಿಕೆ ಕಾಣುತ್ತಿಲ್ಲ. ಇದೀಗ ರಾಜಸ್ಥಾನದ ಝುಂಝುನು ಜಿಲ್ಲೆಯ ಪ್ರಯತ್ನ ಸಫಲವಾಗುವುದೇ ಕಾದು ನೋಡಬೇಕಿದೆ.