ಟಾಟಾ ಆರಿಯಾ: ಅಗ್ಗದ ಆರಿಯಾ ಬುಕ್ಕಿಂಗ್ ಆರಂಭ

ಟಾಟಾ ಕಂಪನಿಯ ಎಲ್ಲಾ ಕಾರುಗಳಿಗೆ ಹೋಲಿಸಿದರೆ ಆರಿಯಾ ಮಾರಾಟ ಭಾರಿ ಪ್ರಮಾಣದಲ್ಲಿ ಇಳಿಕೆ ಕಂಡಿತ್ತು. ಮೂಲಗಳು ಹೇಳುವ ಪ್ರಕಾರ ತಿಂಗಳಿಗೆ ನೂರು ಆರಿಯಾ ಕಾರುಗಳು ಮಾರಾಟವಾಗುತ್ತಿಲ್ಲವಂತೆ!. ದುಬಾರಿ ಆರಿಯಾದ ಕೆಲವು ಫೀಚರ್ ಗಳಿಗೆ ಕತ್ತರಿ ಹಾಕಿ ಇದೀಗ ಹೊಸ ಅಗ್ಗದ ಆರಿಯಾ ಕಾರನ್ನು ಹೊರತರಲು ಕಂಪನಿ ನಿರ್ಧರಿಸಿದೆ.

ನೂತನ ಆರಿಯಾ ದರ ಸುಮಾರು ಹತ್ತು ಲಕ್ಷ ರು.ನಿಂದ 11 ಲಕ್ಷ ರು.ವರೆಗಿದೆ. ದುಬಾರಿ ಟಾಟಾ ಆರಿಯಾ ದರ ಸುಮಾರು 13.54 ಲಕ್ಷ ರು.ನಿಂದ 46 ಲಕ್ಷ ರು.ವರೆಗಿದೆ. 4X2 ಶ್ರೇಣಿಯಲ್ಲಿ ಆರಿಯಾ ದರ ತಗ್ಗಿರುವುದರಿಂದ ಟೊಯೊಟಾ ಇನ್ನೋವಾ ಮತ್ತು ಮಹೀಂದ್ರ ಕ್ಷೈಲೊ ಕಾರುಗಳ ಮಾರಾಟಕ್ಕೆ ಹಿನ್ನಡೆಯಾಗುವ ನಿರೀಕ್ಷೆಯಿದೆ.