ಮಹೀಂದ್ರ: ಎರಡು ಹೊಸ ವೆರಿಟೊ, ಒಂದು ಸ್ಪೋರ್ಟ್ಸ್ ಕಾರು

ಮಹೀಂದ್ರ ಆಂಡ್ ಮಹೀಂದ್ರ ಕಂಪನಿಯು ಶೀಘ್ರದಲ್ಲಿ ಸೆಡಾನ್ ಕಾರು ವೆರಿಟೊದ ಎರಡು ಹೊಸ ಆವೃತ್ತಿಗಳನ್ನು ಹೊರತರಲಿದೆ. ಇದರೊಂದಿಗೆ ಕಂಪನಿಯು ಜಾಗತಿಕ ಸ್ಪೋರ್ಟ್ಸ್ ಯುಟಿಲಿಟಿ ವಾಹನವೊಂದನ್ನು ಅಭಿವೃದ್ಧಿಪಡಿಸುತ್ತಿದೆ. ಇದು ಪ್ರಸಕ್ತ ವರ್ಷದ ಡಿಸೆಂಬರ್ ವೇಳೆಗೆ ರಸ್ತೆಗಿಳಿಯುವ ನಿರೀಕ್ಷೆಯಿದೆ.

ಮಹೀಂದ್ರ ಕಂಪನಿಯು ಕೆಲವು ತಿಂಗಳ ಹಿಂದೆ ಕೊರಿಯಾದ ಸ್ಪೋರ್ಟ್ಸ್ ಕಾರು ಸ್ಪೆಷಲಿಸ್ಟ್ ಸ್ಯಾಂಗ್ಯೊಂಗ್ ನ್ನು ಸ್ವಾಧೀನ ಪಡಿಸಿಕೊಂಡಿದೆ. ಕೊರಿಯಾ ಕಂಪನಿಯ ಎಂಜಿನಿಯರ್ ಗಳ ನೆರವಿನಿಂದ ಹೊರಬರುವ ಸ್ಪೋರ್ಟ್ಸ್ ಕಾರಿನಲ್ಲಿ ಸಾಕಷ್ಟು ಪ್ರಗತಿ ನಿರೀಕ್ಷಿಸಬಹುದಾಗಿದೆ ಎಂದು ಕಂಪನಿ ಹೇಳಿದೆ.

ಇದರೊಂದಿಗೆ ಸ್ಯಾಂಗ್ಯೊಂಗ್ ಕಂಪನಿಯ ರೆಕ್ಷಾನ್ ಮತ್ತು ಕೊರಾಂಡೊ ಕಾರುಗಳು ದೇಶದ ರಸ್ತೆಗಿಳಿಯುವ ನಿರೀಕ್ಷೆಯಿದೆ. ಇವೆರಡು ಮಾಡೆಲ್ ಗಳನ್ನು ಪೂರ್ಣಪ್ರಮಾಣದಲ್ಲಿ ಕೊರಿಯಾದಿಂದ ಆಮದು ಮಾಡಿಕೊಳ್ಳಲು ಕಂಪನಿ ನಿರ್ಧರಿಸಿದೆ. ಮಹೀಂದ್ರ ವೆರಿಟೊ ಆವೃತ್ತಿಯು ಮಹೀಂದ್ರ ರೆನಾಲ್ಟ್ ಲೊಗಾನಿನ ಮುಂದುವರೆದ ಆವೃತ್ತಿಯಾಗಿದೆ.