ಇಂಡೋನೇಷ್ಯಾದಲ್ಲಿ ಟಾಟಾ ನ್ಯಾನೊ ಘಟಕ

ಈಗಾಗಲೇ ಏಸ್ ಮತ್ತು ಕ್ಷೆನನ್ ಮುಂತಾದ ಹಗುರ ವಾಣಿಜ್ಯ ವಾಹನಗಳನ್ನು ಥೈಲಾಂಡ್ ನಲ್ಲಿ ಕಂಪನಿ ನಿರ್ಮಿಸುತ್ತಿದೆ. ಇಲ್ಲೇ ನ್ಯಾನೊ ಕಾರುಗಳನ್ನು ಉತ್ಪಾದಿಸಿದರೆ ಹೇಗೆ ಎಂದು ಈ ಹಿಂದೆ ಟಾಟಾ ಮೋಟರ್ಸ್ ಯೋಚಿಸುತ್ತಿತ್ತು. ಆದರೆ ಥೈಲಾಂಡ್ ತೆರಿಗೆ ನೀತಿ ಕಂಪನಿಗೆ ಅನುಕೂಲಕರವಾಗಿಲ್ಲದ ಹಿನ್ನಲೆಯಲ್ಲಿ ಟಾಟಾ ಮೋಟರ್ಸ್ ಇಂಡೋನೇಷ್ಯಾದತ್ತ ಗಮನ ಹರಿಸಿದೆ.

ಇಂಡೋನೇಷ್ಯಾದಲ್ಲಿ 2013ರಿಂದ ಪ್ರತಿವರ್ಷ ಸುಮಾರು 50 ಸಾವಿರ ನ್ಯಾನೊ ಕಾರುಗಳನ್ನು ಉತ್ಪಾದಿಸುವ ಗುರಿ ಕಂಪನಿಗಿದೆ. ಅಲ್ಲಿಂದ ಥೈಲಾಂಡ್, ಮಲೇಷಿಯಾ ಮತ್ತು ಪಿಲಿಫಿನ್ಸ್ ದೇಶಗಳಿಗೆ ಪುಟ್ಟ ನ್ಯಾನೊ ಕಾರುಗಳನ್ನು ರಫ್ತು ಮಾಡಲು ಕಂಪನಿ ನಿರ್ಧರಿಸಿದೆ ಎಂದು ಇಂಡೋನೇಷ್ಯಾದ ಪತ್ರಿಕೆಯೊಂದು ವರದಿ ಮಾಡಿದೆ.

ಕಂಪನಿಯು ಈಗ ಭಾರತದಿಂದ ನೇಪಾಳ ಮತ್ತು ಶ್ರೀಲಂಕಾ ದೇಶಗಳಿಗೆ ಪುಟ್ಟ ಕಾರು ನ್ಯಾನೊವನ್ನು ರಫ್ತು ಮಾಡುತ್ತಿದೆ. ಶ್ರೀಲಂಕಾದಲ್ಲಿ ನ್ಯಾನೊ ಟ್ಯಾಕ್ಸಿಯಾಗಿ ಜನಪ್ರಿಯಗೊಳ್ಳುತ್ತಿದೆ. ನೇಪಾಳದಲ್ಲಿ ಬುಕ್ಕಿಂಗ್ ಸುರುವಾದ ಮೂರೇ ದಿನದಲ್ಲಿ ದಾಖಲೆ ಪ್ರಮಾಣದಲ್ಲಿ ನ್ಯಾನೊ ಕಾರುಗಳನ್ನು ಅಲ್ಲಿನ ಜನರು ಬುಕ್ಕಿಂಗ್ ಮಾಡಿದ್ದಾರೆ.