ರೆನಾಲ್ಟ್ ಗೆ ಬಜಾಜ್ ಸಣ್ಣ ಕಾರು ನಿರ್ಮಿಸಿಕೊಡೊದಿಲ್ವಂತೆ!

ಅಗ್ಗದ ದರದ ಕಾನ್ಸೆಪ್ಟ್ ಕಾರೊಂದನ್ನು ಕಳೆದ ಜನವರಿಯಲ್ಲಿ ಕಂಪನಿಯು ಅಭಿವೃದ್ಧಿಪಡಿಸಿ ಪ್ರದರ್ಶಿಸಿತ್ತು. ರೆನಾಲ್ಟ್-ನಿಸ್ಸಾನ್ ಗಾಗಿ ಸಣ್ಣ ಕಾರೊಂದನ್ನು ಅಭಿವೃದ್ಧಿಪಡಿಸುವುದಾಗಿ ಪ್ರಕಟಿಸಿತ್ತು. ಕಂಪನಿಗಳೆರಡರ ನಡುವೆ ಈ ಕುರಿತು ಒಪ್ಪಂದ ಕೂಡ ನಡೆದಿತ್ತು.

ಬಜಾಜ್ ಸಣ್ಣ ಕಾರು ನಿಸ್ಸಾನ್ ಗೆ ಇಷ್ಟವಾಗಿಲ್ಲ ಎಂಬ ವದಂತಿಗಳಿವೆ. ನಿಸ್ಸಾನ್ ನ ಡಿಎನ್ಎಗೆ ಹೋಲಿಗೆಯಾಗದಿದ್ದರೆ ಕಂಪನಿಯು ಸಣ್ಣ ಕಾರನ್ನು ಒಪ್ಪುವುದಿಲ್ಲವೆಂದು ಈ ಹಿಂದೆಯೇ ಪ್ರಕಟಿಸಿದ್ದೇವು ಎಂದು ರೆನಾಲ್ಟ್ ಇಂಡಿಯಾ ಮುಖ್ಯಸ್ಥ ಮರ್ಕ್ ನಾಸೀಫ್ ಹೇಳಿದ್ದಾರೆ.

ಬಜಾಜ್ ಸಣ್ಣ ಕಾರು ನಿರ್ಮಿಸುವುದಿಲ್ಲವೆಂಬುದು ನಿಜವೇ ಆಗಿದ್ದರೆ ನ್ಯಾನೊಗೆ ಇದು ಶುಭ ಸುದ್ದಿಯಾಗಲಿದೆ. ಈಗಷ್ಟೇ ಮಾರಾಟ ಹೆಚ್ಚಿಸಿಕೊಳ್ಳುತ್ತಿರುವ ನ್ಯಾನೊ ಖಂಡಿತಾ ಎದುರಾಳಿಯನ್ನು ಎದುರಿಸುವ ಸ್ಥಿತಿಯಲ್ಲಿಲ್ಲ. ಅಥವಾ ಅಗ್ಗದ ನ್ಯಾನೊಗೆ ಇರುವ ಕಡಿಮೆ ಬೇಡಿಕೆಯನ್ನು ನೋಡಿಯೇ ರೆನಾಲ್ಟ್-ನಿಸ್ಸಾನ್ ಆಸಕ್ತಿ ಕಳೆದುಕೊಂಡಿರಬಹುದೆಂದು ನಮ್ಮ ಸ್ನೇಹಿತರು ಅಭಿಪ್ರಾಯಪಟ್ಟಿದ್ದಾರೆ.