ಮರ್ಸಿಡಿಸ್ ಸಣ್ಣ ಕಾರುಗಳು ರಸ್ತೆಗಿಳಿಯೋದು ಗ್ಯಾರಂಟಿ

ಸದ್ಯ ಕಂಪನಿಯು ಲೆಫ್ಟ್ ಹ್ಯಾಂಡ್ ಡ್ರೈವ್ ಸಣ್ಣ ಕಾರುಗಳನ್ನು ಹೊಂದಿದೆ. ಭಾರತದಂತಹ ದೇಶಗಳಿಗೆ ರೈಟ್ ಹ್ಯಾಂಡ್ ಡ್ರೈವ್ ಕಾರುಗಳನ್ನು 2012ರ ವೇಳೆಗೆ ಹೊರತರಲು ಕಂಪನಿ ನಿರ್ಧರಿಸಿದೆ ಎಂದು ಮರ್ಸಿಡಿಸ್ ಬೆಂಝ್ ಇಂಡಿಯಾದ ಎಂಡಿ ಪೀಟರ್ ಹೊನೆಂಗ್ ಹೇಳಿದ್ದಾರೆ. ಸದ್ಯ ಪುಣೆ ಸಮೀಪದ ಚಕನ್ ಘಟಕದಲ್ಲಿ ಸಣ್ಣ ಕಾರುಗಳನ್ನು ಉತ್ಪಾದಿಸುವ ಸೌಲಭ್ಯವನ್ನು ಹೊಂದಿಲ್ಲ ಎಂದರು.

ಸದ್ಯ ಮರ್ಸಿಡಿಸ್ ಬೆಂಝ್ ಭಾರತದಲ್ಲಿ ಸಿ, ಎಸ್ ಮತ್ತು ಇಕ್ಲಾಸ್ ಕಾರುಗಳನ್ನು ಪುಣೆಯ ಚಕನ್ ಘಟಕದಲ್ಲಿ ಉತ್ಪಾದಿಸುತ್ತಿದೆ. ಕಂಪನಿಯು ದೇಶದಲ್ಲಿ ಕಳೆದ ವರ್ಷ 5,800 ಕಾರುಗಳನ್ನು ಮಾರಾಟ ಮಾಡಿತ್ತು. ಪ್ರಸಕ್ತ ವರ್ಷ ಸುಮಾರು 7 ಸಾವಿರ ಕಾರುಗಳನ್ನು ಮಾರಾಟ ಮಾಡುವ ಗುರಿಯನ್ನು ಹೊಂದಿದೆ. ಪ್ರಸಕ್ತ ವರ್ಷದ ಜನವರಿಯಿಂದ ಜೂನ್ ತಿಂಗಳವರೆಗೆ ಕಂಪನಿಯು 3,800 ಕಾರುಗಳನ್ನು ಮಾರಾಟ ಮಾಡಿದೆ.