ಪ್ರಯಾಣಿಕ ಕಾರು ಮಾರುಕಟ್ಟೆಗೆ ಫೋರ್ಸ್ ಲಗ್ಗೆ!!

ಪ್ರಯಾಣಿಕ ಕಾರು ಮಾರುಕಟ್ಟೆಗೆ ಪ್ರವೇಶಿಸಲು ಜರ್ಮನಿಯ ಡೈಮ್ಲಾರ್ ಕಂಪನಿಯೊಂದಿಗೆ ಒಪ್ಪಂದವೊಂದಕ್ಕೆ ಸಹಿ ಹಾಕಿರುವುದಾಗಿ ಫೋರ್ಸ್ ಮೋಟರ್ ಹೇಳಿದೆ. ಡೈಮ್ಲರ್ ಕಂಪನಿಯು ಮಲ್ಟಿ ಪರ್ಪೊಸ್ ವೆಹಿಕಲ್ ನಿರ್ಮಾಣದಲ್ಲಿ ಜನಪ್ರಿಯ ಕಂಪನಿಯಾಗಿದೆ. ಆದರೆ ನೂತನ ಘಟಕಕ್ಕೆ ಎಷ್ಟು ಹೂಡಿಕೆ ಮಾಡಲಾಗುವುದು ಎಂಬುದನ್ನು ಕಂಪನಿ ಸ್ಪಷ್ಟಪಡಿಸಿಲ್ಲ.

ಪ್ರಯಾಣಿಕ ಕಾರು ತಯಾರಿಕೆಗೆ ಬೇಕಾದ ಕಚ್ಚಾ ವಸ್ತುಗಳನ್ನು ಪೂರೈಕೆ ಮಾಡಲು ಡೈಮ್ಲಾರೊಂದಿಗಿನ ಪರವಾನಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ ಎಂದು ಕಂಪನಿ ಹೇಳಿದೆ. ಫೋರ್ಸ್ ಮೋಟರ್ಸ್ ನ ಟ್ರಾವೆಲರ್ ಮಾದರಿಯ ವಾಹನಗಳು 2.2 ಲೀಟರ್ ಕಾಮನ್ ರೈಲ್ ಎಂಜಿನ್ ಹೊಂದಿವೆ. ನೂತನ ಪ್ರಯಾಣಿಕ ಕಾರಿನ ಎಂಜಿನ್ ಮತ್ತು ಇತರ ವಿಶೇಷತೆಗಳನ್ನು ಕಂಪನಿ ಬಹಿರಂಗಪಡಿಸಿಲ್ಲ. (ಚಿತ್ರದಲ್ಲಿರುವುದು: ಫೋರ್ಸ್ ಮೋಟರ್ ಟ್ರಾಕ್ಸ್ ಕ್ರೂಷರ್ )