ಹೋಂಡಾ ನೂತನ ಸಿಆರ್ವಿ ಫೋಟೊ ಬಹಿರಂಗ

2012ರ ನೂತನ ಸಿಆರ್ವಿ ಫೋಟೊದಲ್ಲಿ ನೋಡಲು ಆಕರ್ಷಕವಾಗಿದೆ. ಈಗ ರಸ್ತೆಯಲ್ಲಿರುವ ಸಿಆರ್ವಿಗೆ ಹೋಲಿಸಿದರೆ ಚಿತ್ರದಲ್ಲಿರುವ ಕಾರು ದೊಡ್ಡದಾಗಿದೆ. ಈ ಕಾರಿನಲ್ಲಿ 7 ಸೀಟುಗಳಿರಲಿದೆಯಂತೆ. ಅದರ ಮುಂದಿನ ವಿನ್ಯಾಸ ಮತ್ತು ಹೆಡ್ ಲೈಟ್ ಕಾರಿಗೆ ಸ್ಪೋರ್ಟ್ಸ್ ಲುಕ್ ನೀಡುತ್ತಿದೆ. ಹೆಡ್ ಲೈಟ್ ನೋಡಲು ಹೋಂಡಾ ಅಕಾರ್ಡ್ ಕಾರಿನಂತೆ ಇದೆ.

ಎಕ್ಸ್ ಟೀರಿಯರ್ ವಿನ್ಯಾಸದ ಫೋಟೊಗಳೂ ಆಕರ್ಷಕವಾಗಿ ಕಾಣುತ್ತದೆ. ಕಾರು ಹೆಚ್ಚು ಏರೋ ಡೈನಾಮಿಕ್ ವಿನ್ಯಾಸ ಹೊಂದಿದೆ. ಈ ವಿನ್ಯಾಸದಿಂದಾಗಿ ಕಾರಿನ ಇಂಧನ ದಕ್ಷತೆ ಹೆಚ್ಚಾಗಲಿದೆ. ನೂತನ ಕಾರಿಗೆ 2.4 ಲೀಟರಿನ, 180 ಹಾರ್ಸ್ ಪವರ್ ನೀಡುವ ಎಂಜಿನ್ ಅಳವಡಿಸುವ ನಿರೀಕ್ಷೆಯಿದೆ. ಜೊತೆಗೆ ಈ ಸಿಆರ್ವಿ ಲಾಸ್ ಏಂಜಲ್ಸ್ ನಲ್ಲಿ ನಡೆಯಲಿರುವ ವಾಹನ ಪ್ರದರ್ಶನದಲ್ಲಿ ಪ್ರದರ್ಶನ ಕಾಣುವ ಸಾಧ್ಯತೆಯಿದೆ.