ಶಾರೂಕಿಗೆ ಬೈಕ್ ಬಿಡಲು ಅಮ್ಮ ಬಿಡುತ್ತಿರಲಿಲ್ಲವಂತೆ!!

ಸಣ್ಣದಾದ, ಆದರೆ ಶಕ್ತಿಶಾಲಿಯಾದ ಬೈಕಿನಲ್ಲಿ ರೈಡ್ ಮಾಡಬೇಕೆಂಬುದು ಶಾರೂಖ್ ಖಾನ್ ಕನಸಂತೆ. ಇದೀಗ RA.One ಸಿನಿಮಾದಲ್ಲಿ ಈ ಅವಕಾಶ ದೊರಕಿದೆ. ವಿಶೇಷವಾಗಿ ರೂಪಿಸಿದ ಈ ಬೈಕಿನಲ್ಲಿ ದುಷ್ಟರ ದಮನ ಮಾಡುವ ಪಾತ್ರ ಇವರಿಗಿದೆಯಂತೆ.

ಸೂಪರ್ ಮ್ಯಾನ್ ತರಹದ ಈ ಚಿತ್ರದಲ್ಲಿ 45 ವರ್ಷ ಶಾರೂಕ್ ಈ ಬೈಕಿನಲ್ಲಿ ರೈಡ್ ಮಾಡಲಿದ್ದಾರೆ. ಈ ಚಿತ್ರದಲ್ಲಿ ಶಾರೂಕ್, ಕರೀನಾ ಕಪೂರ್ ಮತ್ತು ಅರ್ಜುನ್ ರಾಂಪಾಲ್ ಇದ್ದಾರೆ. ಶಾರೂಕ್ ಸೂಪರ್ ರೈಡ್ ನ್ನು ಪರದೆಯಲ್ಲಿ ನೋಡಲು ದೀಪಾವಳಿ ವರೆಗೆ ಕಾಯಬೇಕು.

ಇದಕ್ಕೆ ಬಳಸಲಾಗಿರುವ ವಿಶೇಷ ಬೈಕ್ ಯಾವುದೆಂದು ಅವರು ಬಹಿರಂಗಪಡಿಸಿಲ್ಲ. ದುಬಾರಿ ಕ್ರೂಷ್ ಬೈಕ್ ಬಳಸಲಾಗಿದೆ ಎಂದು ಹೇಳಲಾಗಿದ್ದರೂ ಅದನ್ನು ನಂಬುವುದು ಕಷ್ಟ. ಆದರೆ ಕೆಲವು ಮೂಲಗಳ ಪ್ರಕಾರ ಇದಕ್ಕೆ ಪರಿಷ್ಕೃತ ಪಲ್ಸರ್ 220 ಬೈಕ್ ಬಳಸಲಾಗಿದೆಯಂತೆ. ಪಲ್ಸರ್ ಬೈಕಿನ ಮೇಲೆ ವಿಶೇಷ ವಿನ್ಯಾಸ ಮಾಡಲಾಗಿದೆ ಎಂದು ಹೇಳಲಾಗುತ್ತದೆ. ಪರದೆಯ ಮೇಲೆ ಬೈಕ್ ಹೇಗೆ ಓಡುತ್ತೆ ಕಾದು ನೋಡೋಣ.