ವಿದೇಶದಲ್ಲಿ ನ್ಯಾನೊ ಘಟಕ ನಿರ್ಮಿಸಲು ಟಾಟಾ ಒಲವು

ನೇಪಾಳ ಮತ್ತು ಶ್ರೀಲಂಕಾ ದೇಶಗಳಿಗೆ ಟಾಟಾ ಮೋಟರ್ಸ್ ಈಗಾಗಲೇ ನ್ಯಾನೊ ಕಾರು ರಫ್ತು ಮಾಡುತ್ತಿದೆ. ಸಿಕೆಡಿ ಯುನಿಟ್ ಮೂಲಕ ನ್ಯಾನೊ ಕಾರುಗಳನ್ನು ರಫ್ತು ಮಾಡಲು ವಿದೇಶಗಳಲ್ಲಿಯೇ ಘಟಕವಿದ್ದರೆ ಉತ್ತಮವೆಂಬುದು ಕಂಪನಿಯ ಆಲೋಚನೆ. ಈ ಕುರಿತು ಕಂಪನಿ ಇನ್ನೂ ಅಂತಿಮ ನಿರ್ಧಾರಕ್ಕೆ ಬಂದಿಲ್ಲ.

"ಸಾರ್ಕ್ ದೇಶಗಳು ಸೇರಿದಂತೆ ಜಾಗತಿಕ ಮಾರುಕಟ್ಟೆಯಲ್ಲಿ ನ್ಯಾನೊ ಕಾರುಗಳಿಗೆ ಅತ್ಯುತ್ತಮ ಬೇಡಿಕೆಯಿರಲಿದೆ. ಲ್ಯಾಟಿನ್ ಅಮೆರಿಕದ ಜನರು ಕೂಡ ನ್ಯಾನೊ ಕಾರು ಕುರಿತು ಆಸಕ್ತಿ ವಹಿಸುತ್ತಿದ್ದಾರೆ. ನಾವು ಈ ಮಾರುಕಟ್ಟೆಯ ಕುರಿತು ಅಧ್ಯಯನ ಮಾಡುತ್ತಿದ್ದೇವೆ ಎಂದು ಕಂಪನಿಯ ಎಂಡಿ ಪಿಎಂ ತೆಲಂಗ್ ಹೇಳಿದ್ದಾರೆ. ಕಂಪನಿಯು ಸದ್ಯ ಬಿಡಿಭಾಗ ಜೋಡಣೆ ಘಟಕ ನಿರ್ಮಿಸಲಿದೆ. ಸಂಪೂರ್ಣ ಉತ್ಪಾದನೆ ಕುರಿತು ಸದ್ಯ ಯೋಚಿಸಿಲ್ಲ ಎಂದರು.