ದೇಶಕ್ಕೆ ಹೊಸ ಮರ್ಸಿ: 61 ಲಕ್ಷ ರು. ಮಾತ್ರ!

ಎಸ್ಎಲ್ ಕೆ ಎಂಬುದು ಮರ್ಸಿಡಿಸ್ ಬೆಂಝ್ ನ ಪ್ರಮುಖ ಐಕಾನಿಕ್ ಬ್ರಾಂಡ್ ಆಗಿದೆ. ಈ ಹಿಂದೆ ಭಾರತದ ರಸ್ತೆಗೆ ಕಂಪನಿಯು ಎಸ್ ಎಲ್ ಕೆ 200 ಎಂಬ ಕಾರನ್ನು ಕಂಪನಿ ಪರಿಚಯಿಸಿತ್ತು. ನೂತನ ಎಸ್ಎಲ್ ಕೆ 350 ಕಾರು 3.5 ಲೀಟರಿನ ಪೆಟ್ರೊಲ್ ವಿ6 ಎಂಜಿನ್ ಹೊಂದಿದೆ. ಇದು ಪ್ರತಿಲೀಟರ್ ಪೆಟ್ರೊಲ್ ಗೆ 8 ಕಿ.ಮೀ. ಮೈಲೇಜ್ ನೀಡುತ್ತದೆ. ಇದು 9 ಬಣ್ಣಗಳಲ್ಲಿ ದೊರಕಲಿದೆ.

ನೂತನ ಎಸ್ಎಲ್ಕೆ 350 ಪವರ್ ಫುಲ್ ಎಂಜಿನ್ ಹೊಂದಿದ್ದು 272 ಹಾರ್ಸ್ ಪವರ್ ನೀಡುತ್ತದೆ. ಕೇವಲ 5.6 ಸೆಕೆಂಡಿನಲ್ಲಿ 100kmph ವೇಗ ಪಡೆದುಕೊಳ್ಳಬಹುದಾಗಿದೆ. ಇದರ ಗರಿಷ್ಟ ವೇಗ 250 ಕಿ.ಮೀ. ಆಗಿದೆ. ಕಂಪನಿಯು ಕಳೆದ ತಿಂಗಳು ಎಸ್ಎಲ್ಕೆ 200 ಮಾಡೆಲಿನ ನಾಲ್ಕು ಕಾರುಗಳನ್ನು ಭಾರತದಲ್ಲಿ ಮಾರಾಟ ಮಾಡಿತ್ತಂತೆ!

ಈ ಹಿಂದೆ ಮರ್ಸಿಡಿಸ್ ಬೆಂಝ್ ಕಂಪನಿಯು ಭಾರತದಲ್ಲಿ ಅತ್ಯಧಿಕ ಮಾರಾಟದ ಲಕ್ಷುರಿ ಬ್ರಾಂಡೆಂಬ ಖ್ಯಾತಿ ಪಡೆದಿತ್ತು. ಸದ್ಯ ಇದು ಬಿಎಂಡಬ್ಲ್ಯು ಪಾಲಾಗಿದೆ.