ಟಾಟಾ ಮೋಟರ್ಸ್ ಮಾರಾಟದಲ್ಲಿ ಮಿಶ್ರಫಲ

ಕಂಪನಿಯ ವಾಣಿಜ್ಯ ವಾಹನ ಮಾರಾಟ ಗಮನಾರ್ಹವಾಗಿ ಏರಿಕೆ ಕಂಡಿದೆ. ಜೂನ್ ಅಂತ್ಯಕ್ಕೆ ಕೊನೆಗೊಂಡ ಮೊದಲ ತ್ರೈಮಾಸಿಕದಲ್ಲಿ ಕಂಪನಿಯು 1,13,186 ವಾಣಿಜ್ಯ ವಾಹನಗಳನ್ನು ಮಾರಾಟ ಮಾಡಿದ್ದು ಶೇಕಡಾ 13ರಷ್ಟು ಏರಿಕೆ ಕಂಡಿದೆ. ಆದರೆ ಟಾಟಾ, ಫಿಯೆಟ್, ಜಾಗ್ವಾರ್ ಆಂಡ್ ಲ್ಯಾಂಡ್ ರೋವರ್ ಬ್ರಾಂಡಿನ ಪ್ರಯಾಣಿಕ ವಾಹನ ಮಾರಾಟ ಶೇಕಡ 10.7ರಷ್ಟು ಇಳಿಕೆ ಕಂಡಿದೆ.

ಪ್ರಸಕ್ತ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಕಂಪನಿಯ ಒಟ್ಟಾರೆ ಆದಾಯ 12,925 ಕೋಟಿ ರು.ಗೆ ತಲುಪಿದ್ದು ಶೇಕಡ 14.4ರಷ್ಟು ಏರಿಕೆ ಕಂಡಿದೆ. 62,090 ಜಾಗ್ವಾರ್ ಆಂಡ್ ಲ್ಯಾಂಡ್ ರೋವರ್ ವಾಹನಗಳು ಮಾರಾಟವಾಗಿದ್ದು ಶೇಕಡಾ 4.9ರಷ್ಟು ಹೆಚ್ಚಾಗಿದೆ.