ನಾಥುರಾಮ್ ಗೋಡ್ಸೆ ಬಳಸಿದ ಕಿಲ್ಲರ್ ಕಾರು

ಸ್ಟಡೆಬೇಕರ್ ಎಂಬ ನಾಲ್ಕು ಡೋರಿನ ಸೆಡಾನ್ ಕಾರನ್ನು ನಾಥೂರಾಮ್ ಗೋಡ್ಸೆ ಬಳಸಿದ್ದ. ಅದು ಕೂಡ ಬಾಪೂಜಿಯನ್ನು ಹತ್ಯೆ ಮಾಡಿದ ಸಮಯದಲ್ಲಿ. ಈ ಕಾರಣಕ್ಕಾಗಿ ಈ ಕಾರಿಗೆ ಇಷ್ಟೊಂದು ಮಹತ್ವ. ಸದ್ಯ ಈ ಕಾರು ದೆಹಲಿಯ ಪರ್ವೆಜ್ ಜಮಾಲ್ ಸಿದ್ಧೀಕ್ ಬಳಿಯಿದೆ. ಆ ಕಾರಿಗೆ ಕಿಲ್ಲರ್ ಎಂದು ಹೆಸರಿಡಲಾಗಿದೆ.

ಬಿರ್ಲಾ ಭವನ್ ಮುಂದೆ ನಾಥೂರಾಮ್ ಗೋಡ್ಸೆ 1948 ಜನವರಿ 30ರಂದು ಮಹಾತ್ಮ ಗಾಂಧೀಜಿ ಹತ್ಯೆಯ ಸಮಯದಲ್ಲಿ ಇದೇ ಕಾರನ್ನು ಬಳಸುತ್ತಿದ್ದ. 6 ಸಿಲಿಂಡರಿನ 40 ಹಾರ್ಸ್ ಪವರ್ ನೀಡುವ ಸ್ಟಡೆಬೇಕರ್ ಕಾರು 1930ರ ಮಾಡೆಲ್. ಈ ಕಾರನ್ನು ಆಟೋಮ್ಯಾಟಿಕ್ ಮತ್ತು ಮ್ಯಾನುಯಲ್ ಗೇರ್ ಗಳಲ್ಲಿ ಡ್ರೈವ್ ಮಾಡಬಹುದು. ಇಂತಹ ಆಯ್ಕೆ 1930ರ ಕಾಲದ ಕಾರುಗಳಲ್ಲಿ ಅಪರೂಪ.

ನಾಥೂರಾಮ್ ಗೋಡ್ಸೆ ಜೈಲು ಸೇರಿದ ನಂತರ ಈ ಕಾರನ್ನು ಆಂಗ್ಲೋ ಇಂಡಿಯನ್ ಸೈನಿ ಕ್ಯಾಲಿಬ್ ಎಂಬವರು ಖರೀದಿಸಿದ್ದರು. 1978ರಲ್ಲಿ ವಾರಾಣಸಿ ಮೂಲದ ಉದ್ಯಮಿ ಹರಾಜಿನಲ್ಲಿ ಈ ಕಾರನ್ನು ತನ್ನದಾಗಿಸಿಕೊಂಡರು. 1999ರಲ್ಲಿ ಆ ಉದ್ಯಮಿ ಪರ್ವೆಜ್ ಗೆ ಮಾರಾಟ ಮಾಡಿದ್ದ. ಸದ್ಯ ಕಿಲ್ಲರ್ ಕಾರು ಪರ್ವೆಜ್ ಬಳಿಯಿದೆ. ಪರ್ವೆಜ್ ಸಂಗ್ರಹದಲ್ಲಿ ಹನ್ನೆರಡು ವಿಂಟೇಜ್ ಕಾರು ಮತ್ತು 15 ಬೈಕುಗಳಿವೆ.