ಒಂದು ಲಕ್ಷ ಗಡಿ ದಾಟಿದ ಫೋರ್ಡ್ ಫಿಗೊ ಮಾರಾಟ

ದೇಶದಲ್ಲಿ ಹ್ಯಾಚ್ ಬ್ಯಾಕ್ ಕಾರುಗಳಿಗೆ ಅತ್ಯುತ್ತಮ ಬೇಡಿಕೆಯಿದೆ ಎಂಬುದನ್ನು ಫಿಗೊ ಗೆಲುವಿನಿಂದ ತಿಳಿದುಕೊಳ್ಳಬಹುದು. ಫಿಗೊ ಕಾರಿನ ಅತ್ಯುತ್ತಮ ಕಾರ್ಯಕ್ಷಮತೆಯಿಂದಾಗಿ ಬೇಡಿಕೆ ಏರಿಕೆ ಕಂಡಿದೆ. ಫಿಗೊ ಕಾರು ತನ್ನ ವಿನ್ಯಾಸ, ಕಾರ್ಯಕ್ಷಮತೆ ಹೀಗೆ ಹಲವು ವಿಷಯಗಳಿಗೆ ಹಲವಾರು ಪ್ರಶಸ್ತಿಗಳನ್ನೂ ಬಾಚಿಕೊಂಡಿದೆ.

ಫೋರ್ಡ್ ನ ಜಾಗತಿಕ ಕಾರುಗಳ ವಿನ್ಯಾಸಗಳ ಮಾದರಿಯಲ್ಲಿ ಫಿಗೊ ಕಾರಿದೆ. ಇದರ ಆಕರ್ಷಕ ವಿನ್ಯಾಸ ಕಾರು ಪ್ರೇಮಿಗಳಿಗೆ ಇಷ್ಟವಾಗುವಂತಿದೆ. ಫೋರ್ಡ್ ಫಿಗೊ ಪೆಟ್ರೊಲ್ ಮತ್ತು ಡೀಸಲ್ ಆವೃತ್ತಿಗಳಲ್ಲಿ ದೊರಕುತ್ತಿದೆ.

ದೇಶದಲ್ಲಿ ಅತ್ಯಧಿಕ ಕಾರು ಮಾರಾಟ ಮಾಡುವ ಅಮೆರಿಕ ಕಾರು ಕಂಪನಿಯೆಂಬ ಖ್ಯಾತಿಯೂ ಫೋರ್ಡ್ ಗೆ ದೊರಕಿದೆ. ಫೋರ್ಡ್ ಪ್ರಕಾರ ಫಿಗೊ ನಿರ್ವಹಣೆ ವೆಚ್ಚ ತೀರ ಕಡಿಮೆಯಂತೆ.