ಸನ್ನಿ ಉತ್ಪಾದನೆ ಆರಂಭಿಸಿದ ನಿಸ್ಸಾನ್ ಇಂಡಿಯಾ

ಕಂಪನಿಯು ನೂತನ ಸನ್ನಿ ಕಾರನ್ನು ಈ ತಿಂಗಳ ಆರಂಭದಲ್ಲಿ ಅನಾವರಣ ಮಾಡಿತ್ತು. ಮುಂದಿನ ಹಬ್ಬದ ಸೀಸನ್ ಗೆ ರಸ್ತೆಗಿಳಿಯುವ ಈ ಕಾರಿನ ಉತ್ಪಾದನೆಯನ್ನು ತರಾತುರಿಯಲ್ಲಿ ಕಂಪನಿ ಆರಂಭಿಸಿದೆ.

ನಿಸ್ಸಾನ್ ಸನ್ನಿ ಯುವ ಕುಟುಂಬಗಳು ಬಯಸುವ ಮಧ್ಯಮಗಾತ್ರದ ಕಾರಾಗಿದ್ದು ಗುಣಮಟ್ಟ, ಫೀಚರ್ಸ್, ಸ್ಥಳಾವಕಾಶಗಳಲ್ಲಿ ರಾಜಿಯಿಲ್ಲದಂತೆ ನಿರ್ಮಿಸಲಾಗುವುದು ಎಂದು ಇದೇ ಸಂದರ್ಭದಲ್ಲಿ ಕಂಪನಿ ತಿಳಿಸಿದೆ.

"ಸನ್ನಿ ಉತ್ಪಾದನೆ ಆರಂಭಿಸಿರುವುದು ನಿಸ್ಸಾನ್ ಕಂಪನಿಯ ಇನ್ನೊಂದು ಮೈಲುಗಲ್ಲಾಗಿದೆ. ಈ ಕಾರು ದೀಪಾವಳಿ ವೇಳೆಗೆ ಗ್ರಾಹಕರ ಕೈಸೇರಲಿದೆ. ಭಾರತದ ಮಾರುಕಟ್ಟೆಯಲ್ಲಿ ಸನ್ನಿ ಕಾರುಗಳಿಗೆ ಗ್ರಾಹಕರಿಂದ ಅತ್ಯುತ್ತಮ ಪ್ರತಿಕ್ರಿಯೆ ದೊರಕುವ ನಿರೀಕ್ಷೆ ನಮ್ಮದು" ಎಂದು ಕಂಪನಿಯ ಎಂಡಿ ಕಿಮಿನೊಡು ತೊಕುಯಮಾ ಹೇಳಿದ್ದಾರೆ.