ಟೊಯೊಟಾ ಇಟಿಯೋಸ್: ಸೆಡಾನ್ ಗೆ ಸಲಾಂ

ಜಪಾನಿನ ಕಾರು ತಯಾರಿಕಾ ಕಂಪನಿ ಅತ್ಯಧಿಕ ಸಂಖ್ಯೆಯಲ್ಲಿ ಎಟಿಯೋಸ್ ಕಾರುಗಳನ್ನು ಮಾರಾಟ ಮಾಡುವ ಗುರಿ ಹೊಂದಿದೆ. ದೇಶದ ರಸ್ತೆಗೆ ಸೂಕ್ತವಾದ ಕಾರೆಂದು ಎಟಿಯೋಸ್ ಕಾರನ್ನು ಹೇಳಲಾಗುತ್ತಿದೆ.

ಇದು ರಸ್ತೆಗಿಳಿಯುವ ಮುನ್ನವೇ ಸಾಕಷ್ಟು ಹೈಪ್ ಕ್ರಿಯೇಟ್ ಮಾಡಿತ್ತು. ಇದು ಕಂಪನಿಗೆ ಮತ್ತು ಕಾರು ಖರೀದಿದಾರರಿಗೆ ಬೇಸರ ಮೂಡಿಸಿಲ್ಲ. ಈಗಾಗಲೇ ಕಾರುಪ್ರೇಮಿಗಳ ಶಹಬ್ಬಾಸ್ ಗಿರಿ ಪಡೆದಾಗಿದೆ. ಸೆಪ್ಟಂಬರ್ 9ರಂದು ಕಂಪನಿ ಎಟಿಯೋಸ್ ಡೀಸೆಲ್ ಆವೃತ್ತಿ ಕೂಡ ಹೊರತಂದಿದೆ.

ಇಟಿಯೋಸ್ ಸೆಡಾನ್ ಪೆಟ್ರೊಲ್ ಆಯ್ಕೆಯಲ್ಲಿ ನಾಲ್ಲು ಆವೃತ್ತಿಗಳಲ್ಲಿ ದೊರಕುತ್ತಿದೆ. ಇದರ ದರ 5.5 ಲಕ್ಷ ರು. ನಿಂದ 7.84 ಲಕ್ಷ ರು. ಇದೆ. ಸಿಟಿ ರಸ್ತೆಯಲ್ಲಿ ಇಟಿಯೋಸ್ ಪ್ರತಿಲೀಟರ್ ಗೆ 11.8 ಕಿಮೀ. ಮತ್ತು ಹೆದ್ದಾರಿಗಳಲ್ಲಿ ಪ್ರತಿಲೀಟರ್ ಗೆ 16.8 ಕಿ.ಮೀ. ಮೈಲೇಜ್ ನೀಡುತ್ತದೆ. ಇದರ ಇಂಟಿರಿಯರ್ ವಿನ್ಯಾಸ ಸೂಪರ್. ಆದರೆ ಹೊರ ವಿನ್ಯಾಸ ತುಸು ಡಲ್.