ಫ್ರಾಂಕ್ ಫರ್ಟ್: ಸುಜುಕಿಯಿಂದ ಸ್ವಿಫ್ಟ್ ಸ್ಪೋರ್ಟ್ಸ್ ಕಾರು

ಹೊಸ ಸ್ಪೋರ್ಟ್ ಸ್ವಿಫ್ಟ್ ಕಾರಿನಲ್ಲು ಹಲವು ಆಕರ್ಷಕ ಫೀಚರುಗಳು ಅಡಕವಾಗಿವೆ. ಫಾಗ್ ಲ್ಯಾಂಪ್, ಮೆಟಾಲಿಕ್ ಗ್ರೇಕೋಟಿಂಗ್, 17 ಇಂಚಿನ ಹಗುರ ಚಕ್ರಗಳು ಹೀಗೆ ಹೊಸ ಸ್ವಿಫ್ಟ್ ನಲ್ಲಿ ಮೊದಲ ನೋಟಕ್ಕೆ ಹಲವು ವಿಶೇಷತೆಗಳು ಸೆಳೆಯುತ್ತವೆ.

ಈ ಸ್ವಿಫ್ಟ್ ಕಾರಿಗೆ ಸ್ಪೋರ್ಟ್ಸ್ ಸೀಟ್ ಅಳವಡಿಸಲಾಗಿದೆ. ಇದರ ಎಂಜಿನ್ ಸುಮಾರು 134 ಹಾರ್ಸ್ ಪವರ್ ನೀಡಲಿದೆ. ಇದು 6 ಸ್ಪೀಡ್ ಮ್ಯಾನುಯಲ್ ಗೇರ್ ಬಾಕ್ಸ್ ಹೊಂದಿದೆ. ಇದು ಹಗುರ ಮತ್ತು ಆರಾಮದಾಯಕತೆಯ ಫೀಚರಿನ ಗೇರಾಗಿದೆ. ಈ ಕಾರಿನಲ್ಲಿ ಆಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಮ್, ಟ್ರಾಕ್ಷನ್ ಕಂಟ್ರೊಲ್ ಮತ್ತು ಇಬಿಡಿ ಇತ್ಯಾದಿ ಸುರಕ್ಷತೆಯ ಫೀಚರುಗಳಿವೆ.

ಸುಜುಕಿ ಮೋಟರ್ ಪ್ರಕಾರ ನೂತನ ಸ್ವಿಫ್ಟ್ ಅತ್ಯುತ್ತಮ ಇಂಧನ ದಕ್ಷತೆಯ ಸ್ಪೋರ್ಟ್ಸ್ ಕಾರು ಕೂಡ ಹೌದು. ಇದು ಪ್ರತಿಲೀಟರ್ ಪೆಟ್ರೊಲ್ ಗೆ ಸುಮಾರು 18.75 ಕಿಲೋಮೀಟರ್ ಮೈಲೇಜ್ ನೀಡಲಿದೆ.

ಈ ಕಾರಿನ ಫೀಚರುಗಳು, ವಿಶೇಷತೆಗಳು, ಟೆಕ್ ಮಾಹಿತಿ, ದಕ್ಷತೆ, ಕಾರ್ಯಕ್ಷಮತೆ ಕುರಿತು ನಮ್ಮ ಯಾವುದೇ ತಕರಾರು ಇಲ್ಲ. ಯಾಕೆಂದರೆ ಎಲ್ಲವೂ ಇಷ್ಟವಾಗುವಂತೆ ಇದೆ. ಆದರೆ, ನಮ್ಮ ಒಂದೇ ದೂರು ಏನೆಂದರೆ ಈ ಕಾರು ಭಾರತಕ್ಕೆ ಬರುವ ಕುರಿತು ಯಾವುದೇ ಮಾಹಿತಿ ಕಂಪನಿ ನೀಡಿಲ್ಲ.