ಸ್ಪಾರ್ಕ್, ನ್ಯಾನೊ, ಎ-ಸ್ಟಾರ್ ಸೂಪರ್ ಸ್ಟಾರ್

ಮಾರುತಿ ಎ-ಸ್ಟಾರ್: ಎ-ಸ್ಟಾರ್ ಕಾರುಗಳಿಂದು ನಾಲ್ಕು ಆವೃತ್ತಿಗಳಲ್ಲಿ ದೊರಕುತ್ತಿದೆ. ಎ-ಸ್ಟಾರ್ ಕಾರು ನಗರದಲ್ಲಿ ಪ್ರತಿಲೀಟರ್ ಇಂಧನಕ್ಕೆ 13 ಕಿ.ಮೀ. ಮತ್ತು ಹೆದ್ದಾರಿಗಳಲ್ಲಿ ಸುಮಾರು 19 ಕಿ.ಮೀ. ಮೈಲೇಜ್ ನೀಡುತ್ತದೆ. ಬೆಂಗಳೂರು ಎಕ್ಸ್ ಶೋರೂಂನಲ್ಲಿ ಎ-ಸ್ಟಾರ್ ದರ 3.67 ಲಕ್ಷ ರು.ನಿಂದ 4.40 ಲಕ್ಷ ರು. ಆಸುಪಾಸಿನಲ್ಲಿದೆ.

ಷೆವರ್ಲೆ ಸ್ಪಾರ್ಕ್: ಇದು 995 ಸಿಸಿ ಎಂಜಿನ್ ಹೊಂದಿದೆ. ಪ್ರತಿಗಂಟೆಗೆ ಸುಮಾರು 150 ಕಿ.ಮೀ ವೇಗ ಇದರ ಹೆಗ್ಗಳಿಕೆ. ಇದು ಸಿಟಿ ಮತ್ತು ಹೆದ್ದಾರಿಗಳಲ್ಲಿ ಆಕರ್ಷಕ ಮೈಲೇಜ್ ಮತ್ತು ಚಾಲನೆ ಅನುಭವ ನೀಡುತ್ತದೆ. ನಗರದ ರಸ್ತೆಯಲ್ಲಿ ಪ್ರತಿಲೀಟರ್ ಪೆಟ್ರೊಲ್ ಗೆ 16.8 ಕಿ.ಮೀ. ಮೈಲೇಜ್ ನೀಡುತ್ತದೆ. ಹೆದ್ದಾರಿಯಲ್ಲಿ ಪ್ರತಿಲೀಟರ್ ಗೆ 19.2 ಕಿ.ಮೀ. ಮೈಲೇಜ್ ನೀಡುತ್ತದೆ. ದರ ಸುಮಾರು 3.1 ಲಕ್ಷ ರು.ನಿಂದ 4.2 ಲಕ್ಷ ರು.ವರೆಗಿದೆ.

ಟಾಟಾ ನ್ಯಾನೊ: ಟಾಟಾ ಮೋಟರ್ಸ್ ಅಗ್ಗದ ಕಾರು ಅತ್ಯಧಿಕ ಮೈಲೇಜ್ ಕಾರು ಕೂಡ ಹೌದು. ಹೀಗಾಗಿ ಇದು ಬೆಂಗಳೂರು ಮಹಿಳೆಯರಿಗೆ ಇಷ್ಟದ ಕಾರಾಗಿ ಹೊರಹೊಮ್ಮಿದೆ. ಹೆದ್ದಾರಿಯಲ್ಲಿ 20 ಕಿ.ಮೀ.ಗಿಂತ ಹೆಚ್ಚು ಮತ್ತು ನಗರದಲ್ಲಿ ಸುಮಾರು 17 ಕಿ.ಮೀ. ಮೈಲೇಜ್ ನೀಡುತ್ತದೆ ಪುಟ್ಟ ನ್ಯಾನೊ. ಇದರ ದರ 2 ಲಕ್ಷ ರು. ಆಸುಪಾಸಿನಲ್ಲಿದೆ. (ಈಗ ಒಂದು ಲಕ್ಷ ರು.ಗೆ ಸಿಗೋಲ್ಲ)