ಜನರಲ್ ಮೋಟರ್ಸ್ ಪೆಟ್ರೊಲ್ ಕಾರು ಸ್ಥಗಿತ! ಮುಂದೇನು?

ಪೆಟ್ರೋಲ್ ಮತ್ತು ಡೀಸೆಲ್ ಇಂಧನ ದರದಲ್ಲಿ ಬೃಹತ್ ವ್ಯತ್ಯಾಸವಿರುವುದರಿಂದ ಹೆಚ್ಚಿನ ಜನರು ಡೀಸೆಲ್ ಕಾರುಗಳನ್ನು ಖರೀದಿಸುತ್ತಿದ್ದಾರೆ. ಜನರಲ್ ಮೋಟರ್ಸ್ ಈಗಾಗಲೇ ಪೆಟ್ರೋಲ್ ಕಾರುಗಳ ಭಾರಿ ಸಂಗ್ರಹ ಹೊಂದಿದೆ. ಹೀಗಾಗಿ ಪೆಟ್ರೋಲ್ ಕಾರುಗಳ ಉತ್ಪಾದನೆಗೆ ಚುಕ್ಕಿ ಇಟ್ಟಿದೆ. ಕಂಪನಿಯ ಈ ಕಾರ್ಯತಂತ್ರವನ್ನು ಜಿಎಂ ಇಂಡಿಯಾದ ಪಿ ಬಾಲೆಂದ್ರನ್ ಖಚಿತಗೊಳಿಸಿದ್ದಾರೆ.

ದೇಶದಲ್ಲಿ ಜಿಎಂನ ಡೀಸೆಲ್ ಬೀಟ್ ಕಾರು ಅತ್ಯಧಿಕವಾಗಿ ಮಾರಾಟವಾಗುತ್ತಿವೆ. ಆದರೆ ಇತ್ತೀಚೆಗೆ ಪೆಟ್ರೋಲ್ ಬೀಟಿಗೆ ಗಮನಾರ್ಹವಾಗಿ ಬೇಡಿಕೆ ಇಳಿಕೆ ಕಾಣುತ್ತಿದೆ. ಷೆವರ್ಲೆ ಡೀಲರುಗಳು ಪೆಟ್ರೋಲ್ ಕಾರಿಗೆ ಈಗ ಆಕರ್ಷಕ ಡಿಸ್ಕೌಂಟ್ ಆಫರುಗಳನ್ನು ಪ್ರಕಟಿಸುತ್ತಿದ್ದಾರೆ.

ಕಳೆದ ಕೆಲವು ತಿಂಗಳಿನಿಂದ ಡೀಸೆಲ್ ಕಾರುಗಳಿಗೆ ಅತ್ಯಧಿಕವಾಗಿ ಬೇಡಿಕೆ ಕಾಣುತ್ತಿದೆ. ಇತ್ತೀಚೆಗೆ ರಸ್ತೆಗಿಳಿದ ಸ್ವಿಫ್ಟ್ ಮತ್ತು ಟೊಯೊಟಾ ಎಟಿಯೋಸ್ ಲಿವಾದ ಶೇಕಡ 80ರಷ್ಟು ಗ್ರಾಹಕರು ಡೀಸೆಲ್ ಆವೃತ್ತಿಗಳಿಗೆ ಬುಕ್ಕಿಂಗ್ ಮಾಡಿದ್ದಾರೆ. ಫೋಕ್ಸ್ ವ್ಯಾಗನ್ ಇತ್ತೀಚೆಗೆ ಜೆಟ್ಟಾ ಮತ್ತು ಪಸ್ಸಾಟ್ ಡೀಸೆಲ್ ಕಾರನ್ನು ಮಾತ್ರ ಹೊರತಂದಿದೆ.