ಮಹೀಂದ್ರ ಹೊಸ ವೆರಿಟೊ ಕಾರು ಬಂದಿದೆ.. ದರ?

ನೂತನ ಕಾರು ಹೈಎಂಡ್ ಡೀಸೆಲ್ ಎಂಜಿನ್ ಆಯ್ಕೆಯಲ್ಲಿ ಮಾತ್ರ ದೊರಕುತ್ತಿದೆ. ಮಹೀಂದ್ರ ವೆರಿಟೊ ಎಕ್ಸ್ ಕ್ಲೂಸಿವ್ ಅಡಿಷನ್ ದೆಹಲಿ ಎಕ್ಸ್ ಶೋರೂಂ ದರ 7.09 ಲಕ್ಷ ರುಪಾಯಿ.

ನೂತನ ವೆರಿಟೊ ಕಾರು ಐಷಾರಾಮಿ ಸವಾರಿಗೆ ಸೂಕ್ತವಾಗಿದೆ. ಹೆಚ್ಚು ಸ್ಥಳಾವಕಾಶ ಮತ್ತು ಐಷಾರಾಮಿ ಕಾರೊಂದನ್ನು ಹುಡುಕುತ್ತಿರುವರಿಗೆ ಈ ಕಾರು ಕೈಗೆಟುಕುವ ದರದಲ್ಲಿ ದೊರಕಲಿದೆ. ಮಹೀಂದ್ರ ಕಂಪನಿಯು ಸರಿಯಾಗಿ ಹಬ್ಬದ ಸೀಸನಿಗೆ ಈ ಕಾರನ್ನು ಹೊರತಂದಿದೆ.

ಹಳೆಯ ವೆರಿಟೊ ಕಾರಿನ ಪ್ರಸಾಧನ ವಿನ್ಯಾಸ ಮಾತ್ರ ಬದಲಾಗಿದೆ. ಅಂದರೆ ಹೊಸ ಬಾಡಿ ಗ್ರಾಫಿಕ್ಸ್ ವಿನ್ಯಾಸ, ಇಂಟಿರಿಯರ್ ಐಷಾರಾಮಿ ಫೀಚರುಗಳನ್ನು ಜೋಡಿಸಿದೆ. ಒಟ್ಟಾರೆ ನೂತನ ವೆರಿಟೊ ಸವಾರಿ ಎಕ್ಸ್ ಕ್ಲೂಸಿವ್ ಫೀಲ್ ನೀಡುತ್ತದೆ ಅಂದರೆ ಸುಳ್ಳಲ್ಲ. ಉಳಿದಂತೆ ಕಾರಿನಲ್ಲಿ ಬ್ಲೂವಿಷನ್ ಹೆಡ್ ಲ್ಯಾಂಪ್, ಕಂಪನಿಯ ಸ್ಟಿರಿಯೊ, ಯುಎಸ್ ಬಿ ಮತ್ತು ಬ್ಲೂಟೂಥ್ ಫೀಚರುಗಳಿವೆ.