ಹೊಸ ಟಾಟಾ ಮಾಂಝಾ ರಸ್ತೆಗೆ, ಹಬ್ಬದ ಕೊಡುಗೆ

ಹಬ್ಬದ ಸೀಸನ್ ಗೆ ಹಲವು ಕಂಪನಿಗಳು ತಮ್ಮ ಹಳೆಯ ಆವೃತ್ತಿಗಳನ್ನು ಅಪ್ ಗ್ರೇಡ್ ಮಾಡಿ ರಸ್ತೆಗಿಳಿಸುತ್ತಿವೆ. ನೂತನ ಮಾಂಝಾ ಕೂಡ ಹಬ್ಬದ ಸೆಲೆಬ್ರೆಷನ್ ಅಡಿಷನ್ ಕಾರು.

ಅತ್ಯುತ್ತಮ ದರ್ಜೆಯ ಸವಾರಿಗೆ ಸೂಕ್ತವಾಗಂತೆ ಹೊಸ ಕಾರು ರಸ್ತೆಗಿಳಿದೆ. ವಿನ್ಯಾಸ, ಇಂಟಿರಿಯರ್ ಫಿಟ್ಟಿಂಗ್ಸ್ ಮತ್ತು ಕಾರ್ಯಕ್ಷಮತೆ ವಿಷಯದಲ್ಲಿ ಟಾಟಾ ಮಾಂಝಾ ಹೆಚ್ಚು ಜನಪ್ರಿಯವಾಗಿದೆ. ನೂತನ ಕಾರಿನ ಇಂಟಿರಿಯರ್ ಹಲವು ಬಣ್ಣಗಳಿಂದ ಇಷ್ಟವಾಗುತ್ತದೆ.

ಹೊಸ ಸೆಲೆಬ್ರೆಷನ್ ಅಡಿಷನ್ ಫೀಚರುಗಳು. ರಿವರ್ಸ್ ಸೆನ್ಸಾರ್, ಮೃದು ಸೀಟುಗಳು ಮತ್ತು ಇಂಟಿರಿಯರ್ ಕಲರ್ ಸ್ಕೀಮ್ ಮುಂತಾದ ಹೊಸ ಫೀಚರುಗಳಿವೆ. ಇದು ಕಂಪನಿಯ ಟಾಪ್ ಎಂಡ್ ಕಾರು ಎಲನ್ ನಂತೆಯೂ ಕಾಣುತ್ತದೆ. ಆದರೆ ಸೆಲೆಬ್ರೆಷನ್ ಅಡಿಷನ್ ಕಾರಿನ ಡೀಸೆಲ್ ಆವೃತ್ತಿಯು ಟಾಟಾ ಎಲನ್ ಗಿಂತ ಸುಮಾರು 27 ಸಾವಿರ ರು. ದುಬಾರಿ. ಪೆಟ್ರೋಲ್ ಸೆಲೆಬ್ರೆಷನ್ ಆವೃತ್ತಿಯು ಎಲನ್ ಗಿಂತ 17 ಸಾವಿರ ರು. ದುಬಾರಿಯಾಗಿದೆ.

ಟಾಟಾ ಮಾಂಝಾ ಸೆಲೆಬ್ರೆಷನ್ ಎಡಿಷನ್ ಕಾರಿನ ಎಂಜಿನ್ ನಲ್ಲಿ ಯಾವುದೇ ಬದಲಾವಣೆಯಿಲ್ಲ. ಅಂದರೆ 1.4 ಲೀಟರಿನ, 90 ಹಾರ್ಸ್ ಪವರಿನ ಪೆಟ್ರೋಲ್ ಎಂಜಿನ್ ಮತ್ತು 1.3 ಲೀಟರ್, 90 ಹಾರ್ಸ್ ಪವರಿನ ಮಲ್ಟಿಜೆಟ್ ಡೀಸೆಲ್ ಎಂಜಿನ್ ಹೊಂದಿದೆ.

ಇದರೊಂದಿಗೆ ಟಾಟಾ ಮೋಟರ್ಸ್ ಮಾಂಝಾದ ಆಯ್ದ ಆವೃತ್ತಿಗಳಿಗೆ ಹಬ್ಬದ ವಿನಾಯಿತಿಗಳನ್ನು ಪ್ರಕಟಿಸಿದೆ. ಅಕ್ಟೋಬರ್ ಅಂತ್ಯದವರೆಗೆ ಮಾಂಝಾ ಕಾರುಗಳಿಗೆ ಸುಮಾರು 45 ಸಾವಿರ ರು. ಡಿಸ್ಕೌಂಟ್ ಇದೆಯಂತೆ. ಆದರೆ ನೂತನ ಸೆಲೆಬ್ರೆಷನ್ ಅಡಿಷನ್ ಕಾರಿಗೆ ಯಾವುದೇ ಡಿಸ್ಕೌಂಟ್ ಇಲ್ಲ.