ಮುಂಬೈ ತಲುಪಿದ ಪೊಲಾರಿಷ್ ಆಫ್-ರೋಡರ್

ಗದ್ದೆಯಲ್ಲಿ ಟ್ರಾಕ್ಟರ್, ಟಿಲ್ಲರ್ ಚಲಿಸುವಂತೆ, ಗುಡ್ಡಕ್ಕೆ ಜೆಸಿಬಿ ಹತ್ತುವಂತೆ ಈ ಪೊಲಾರಿಷ್ ವಾಹನಗಳನ್ನು ಡ್ರೈವ್ ಮಾಡಬಹುದು. ಪೊಲಾರಿಷ್ ಇಂಡಿಯಾ ಲಿಮಿಟೆಡ್ ಇಂದು(ಅ 14) ಮುಂಬೈ ಮಾರುಕಟ್ಟೆಗೆ ಆಫ್ ರೋಡ್ ವಾಹನಗಳನ್ನು ಪರಿಚಯಿಸಿದೆ.

ಅಮೆರಿಕದ ಪೊಲಾರಿಷ್ ಇಂಡಸ್ಟ್ರಿಸ್ ಕಂಪನಿಯ ಅಂಗಸಂಸ್ಥೆ ಪೊಲಾರಿಷ್ ಇಂಡಿಯಾ ಲಿಮಿಟೆಡ್ ಶೀಘ್ರದಲ್ಲಿ ಮುಂಬೈ ಮಾರುಕಟ್ಟೆಗೆ ಇನ್ನಷ್ಟು ಆಫ್-ರೋಡ್ ವೆಹಿಕಲ್ ಗಳನ್ನು ಹೊರತರುವುದಾಗಿ ಹೇಳಿದೆ.

ರಸ್ತೆಯ ಅಗತ್ಯವಿಲ್ಲದ ಪೊಲಾರಿಷ್ ಆಫ್ ರೋಡ್ ವಾಹನಗಳ ದರ 2.78 ಲಕ್ಷ ರು.ನಿಂದ ಆರಂಭವಾಗುತ್ತದೆ. ಈ ವಾಹನಗಳನ್ನು ನವನೀತ್ ಮೋಟರ್ಸ್ ಮೂಲಕ ಖರೀದಿಸಬಹುದೆಂದು ಕಂಪನಿ ಪ್ರಕಟಿಸಿದೆ.

ಕಂಪನಿಯು ಮುಂದಿನ 5 ವರ್ಷಗಳೊಳಗೆ ಭಾರತದಲ್ಲಿ ಘಟಕ ನಿರ್ಮಿಸಲಿದೆಯಂತೆ. ಇಲ್ಲಿ ಸುಮಾರು 40 ಕೋಟಿ ಡಾಲರ್ ಆದಾಯ ಸಂಪಾದಿಸುವ ನಿರೀಕ್ಷೆಯನ್ನೂ ಕಂಪನಿ ವ್ಯಕ್ತಪಡಿಸಿದೆ. ಸದ್ಯ ಕಂಪನಿಯು ಆಫ್-ರೋಡರ್ಸ್ ಗಳನ್ನು ಅಮೆರಿಕ ಮತ್ತು ಮೆಕ್ಸಿಕೊದಿಂದ ಆಮದು ಮಾಡಿಕೊಳ್ಳಲು ಉದ್ದೇಶಿಸಿದೆ.

ನಿರ್ಮಾಣ, ಗಣಿಗಾರಿಕೆ, ಅರಣ್ಯ, ಸಮುದ್ರ ದಂಡೆಗಳಲ್ಲಿ, ಬೀಚುಗಳಲ್ಲಿ ಚಲಾಯಿಸಬಹುದು. ಈ ಆಫ್ ರೋಡ್ ವಾಹನಗಳು ಮೋಜಿನ ಸವಾರಿಗೆ ಮಾತ್ರವಲ್ಲದೇ ಪೊಲೀಸ್ ಮತ್ತು ಅರೆ ಸೇನಾಪಡೆಗೆ ಕೂಡ ಉಪಯುಕ್ತವಾಗಿವೆ.