ನ್ಯಾನೊ ರಫ್ತು ಮಾಡುವಂತೆ ಬ್ರೆಝಿಲ್ ಗವರ್ನರ್ ಕೋರಿಕೆ

ದೇಶದ ಉದ್ದಿಮೆಗಳೊಂದಿಗೆ ನಡೆಸುತ್ತಿದ್ದ ಮಾತುಕತೆಯಲ್ಲಿ ಬ್ರೆಝಿಲ್ ಗವರ್ನರ್ "ಬ್ರೆಝಿಲ್ ಗೆ ಪುಟ್ಟ ನ್ಯಾನೊ ಕಾರನ್ನು ತೆಗೆದುಕೊಂಡು ಹೋಗುವುದು ನಮಗೆ ತುಂಬಾ ಸಂತೋಷ ತರುವ ವಿಷಯ" ಎಂದರು.

"ಬ್ರೆಝಿಲ್ ಮತ್ತು ಭಾರತದ ನಡುವೆ ಈಗಾಗಲೇ ಅತ್ಯುತ್ತಮ ಬಾಂಧವ್ಯ ಇರುವುದರಿಂದ ಇಲ್ಲಿನ ಬೃಹತ್ ಉದ್ದಿಮೆದಾರರನ್ನು ನಮ್ಮ ದೇಶಕ್ಕೆ ಆಹ್ವಾನಿಸುತ್ತಿದ್ದೇವೆ" ಎಂದು ಹೇಳಿದ್ದಾರೆ.

"ಬ್ರೆಝಿಲ್ ಈಗ ವಿಶ್ವದ ವೇಗವಾಗಿ ಪ್ರಗತಿ ಕಾಣುತ್ತಿರುವ ವಾಹನ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. ನಮ್ಮಲ್ಲಿ ಸಣ್ಣ ಕಾರುಗಳಿಗೆ ಅತ್ಯುತ್ತಮ ಬೇಡಿಕೆಯಿದೆ. ದಕ್ಷಿಣ ಅಮೆರಿಕ ದೇಶಕ್ಕೆ ನ್ಯಾನೊ ಖಂಡಿತಾ ಇಷ್ಟವಾಗುವ ಕಾರು" ಎಂದು ಅವರು ಹೇಳಿದ್ದಾರೆ.

ಟಾಟಾ ಮೋಟರ್ಸ್ ಈಗಾಗಲೇ ಯುರೋಪ್ ದೇಶಗಳಿಗೆ ನ್ಯಾನೊ ಕಾರುಗಳನ್ನು ರಫ್ತು ಮಾಡಲು ಆರಂಭಿಸಿದ್ದಾರೆ. ನೇಪಾಳ, ಶ್ರೀಲಂಕಾ ಮತ್ತು ಬಾಂಗ್ಲಾಕ್ಕೆ ನ್ಯಾನೊ ಕಾರು ಕಾಲಿಟ್ಟಿದೆ. ಬಾಂಗ್ಲಾದಲ್ಲಿ ನ್ಯಾನೊ ಕಾರು ಬಿಡುಗಡೆ ಕಾರ್ಯಕ್ರಮ ಕಾರಣಾಂತರಗಳಿಂದ ಮುಂದೂಡಲ್ಪಟ್ಟಿದೆ.

ಯುರೋಪಿಯನ್ ಮಾರುಕಟ್ಟೆಗಾಗಿ ಟಾಟಾ ಮೋಟರ್ಸ್ ಒಮ್ಮೆ "ನ್ಯಾನೊ ಯುರೋಪ" ಕಾರುಗಳನ್ನು ಪ್ರದರ್ಶಿಸಿತ್ತು. ನ್ಯಾನೊ ಯುರೋಪ ಅತ್ಯುತ್ತಮ ಸ್ಟಾಂಡರ್ಡ್ ಫೀಚರ್ಸ್ ಹೊಂದಿರುವ ಕಾರಾಗಿದೆ.