ಹ್ಯುಂಡೈ ಇಯಾನ್ ಬುಕ್ಕಿಂಗ್ ಹೇಗಿದೆ?

ಹ್ಯುಂಡೈ ಇಯಾನ್ ದರವೂ ಕಡಿಮೆ. ಹೀಗಾಗಿ ಹೆಚ್ಚು ಜನರನ್ನು ಸೆಳೆಯುವ ನಿರೀಕ್ಷೆ ಕಂಪನಿಯದು. ಈ ಕಾರು ಮಾರುತಿ ಆಲ್ಟೊ ಮತ್ತು ಷೆವರ್ಲೆ ಸ್ಪಾರ್ಕ್ ಗಳಿಗೆ ಪೈಪೋಟಿ ನೀಡುವ ಕಾರಾಗಿದೆ. ಹೀಗಾಗಿ 5 ಸಾವಿರ ಬುಕ್ಕಿಂಗ್ ನೋಡಿದ ಕಂಪನಿ ಇನ್ನಷ್ಟು ಗ್ರಾಹಕರನ್ನು ಸೆಳೆಯುವ ಆಶಾಭಾವನೆ ಹೊಂದಿದೆ.

ಹ್ಯುಂಡೈ ಇಯಾನ್ ಕಾರಿನ ದರ 2.69 ಲಕ್ಷ ರು.ನಿಂದ 3.71 ಲಕ್ಷ ರು.(ಎಕ್ಸ್ ಶೋರೂಂ ದೆಹಲಿ)ವರೆಗಿದೆ. 814 ಸಿಸಿಯ, 3 ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಹೊಂದಿದೆ. ಇದು 5,500 ಆರ್ ಪಿಎಂಗೆ 56 ಪಿಎಸ್ ಪವರ್ ಮತ್ತು 4 ಸಾವಿರ ಆರ್ ಪಿಎಂಗೆ 76.5 ಎನ್ ಎಂ ಟಾರ್ಕ್ ಪವರ್ ನೀಡುತ್ತದೆ.

ಇಯಾನ್ ಸಣ್ಣ ಕಾರು ಆರು ಆವೃತ್ತಿಗಳಲ್ಲಿ ದೊರಕುತ್ತದೆ. ಆರಂಭಿಕ ಆವೃತ್ತಿ ಡಿ-ಲೈಟ್ ದರ ಸುಮಾರು 2.69 ಲಕ್ಷ ರು. ಆಗಿದೆ. ಟಾಪ್ ಎಂಡ್ ಸ್ಪೋರ್ಟ್ಸ್ ಆವೃತ್ತಿ ದರ ಸುಮಾರು 3.71 ಲಕ್ಷ ರುಪಾಯಿ ಆಗಿದೆ. ಹ್ಯುಂಡೈ ಇಯಾನ್ ಪ್ರತಿಲೀಟರ್ ಗೆ ಸುಮಾರು 21.1 ಕಿ.ಮೀ. ಮೈಲೇಜ್ ನೀಡುತ್ತದೆ.