ಬುಗಾಟಿ ವೆರೊನ್ ಪ್ರತಿಸ್ಪರ್ಧಿ ಮೆಕ್ ಲಾರೆನ್ ಕಾರ್

ಇಲ್ಲಿವರೆಗೆ ಬುಗಾಟಿ ವೆರೊನ್ ಗೆ ಪ್ರತಿಸ್ಪರ್ಧಿಯೇ ಇರಲಿಲ್ಲ. ಯಾಕೆಂದರೆ ಈಗ ಅದೇ ವಿಶ್ವದ ವೇಗದ ಕಾರು. ವೆರೊನ್ ಕಾರನ್ನು ಅಭಿವೃದ್ಧಿಪಡಿಸಲು ಎಷ್ಟು ಕ್ವಿಂಟಲ್ ಡಾಲರ್ ಸುರಿದಿದೆಯೋ ಲೆಕ್ಕವಿಲ್ಲ. ಕೊನೆಗೂ ವೆರೊನ್ ಎಂಬ ವಾಹನ ಲೋಕದ ದಂತಕತೆಯಾಗುವ ಕಾರನ್ನು ಕಂಪನಿ ಹೊರತಂದಿತ್ತು.

ಬುಗಾಟಿ ವೆರೊನ್ ಕಾರುಗಳು ನೂರರ ಲೆಕ್ಕದಲ್ಲಿ ಮಾರಾಟವಾಗುವುದಿಲ್ಲ. ದಿನಕ್ಕೆ ಒಂದು ಕಾರು ಮಾರಾಟವಾದರೆ ಸಾಧನೆ. ಯಾಕೆಂದರೆ ಬುಗಾಟಿ ವೆರೊನ್ ದರವೇ 16 ಕೋಟಿ ರುಪಾಯಿ ಇದೆ.

ಬುಗಾಟಿಗೆ ಸೆಡ್ಡುಹೊಡೆಯಲು ಮೆಕ್ ಲಾರೆನ್ ಕಾರೊಂದನ್ನು ಹೊರತರಲಿದೆಯಂತೆ. ಮೆಕ್ ಲಾರೆನ್ ಕಂಪನಿ ಫಾರ್ಮುಲಾ ಒನ್ ಕಾರುಗಳನ್ನು ಅಭಿವೃದ್ಧಿಪಡಿಸುವುದರಲ್ಲಿ ಫೇಮಸ್ಸು. ಕಂಪನಿಯು ಇದೀಗ ಅಭಿವೃದ್ಧಿಯ ಹಂತದಲ್ಲಿರುವ ಹೈಪರ್ ಕಾರಿನ ಟೆಸ್ಟ್ ಕೂಡ ಮಾಡಿದೆ ಎಂದು ವರದಿ ಹೇಳಿದೆ.

ಇದು 5 ಲೀಟರ್ ಎಂಜಿನ್ ಹೊಂದಿದ್ದು, ಸುಮಾರು 800 ಹಾರ್ಸ್ ಪವರ್ ನೀಡಲಿದೆ. ಈ ಕಾರಿನ ದರ, ಹೆಚ್ಚಿನ ಟೆಕ್ ಮಾಹಿತಿ ಲಭ್ಯವಿಲ್ಲ. ಆದರೆ ಬುಗಾಟಿ ವೆರೊನ್ ಮಾತ್ರ ಭಯಪಡಲಿದೆ ಅಂತ ಆಟೋ ವಿಶ್ಲೇಷಕರು ಹೇಳುತ್ತಾರೆ.