ಚಿಟ್ಟಿ ಚಿಟ್ಟಿ ಬ್ಯಾಂಗ್ ಬ್ಯಾಂಗ್ ಬಂಡಿ ಯಾರ ಪಾಲಿಗೆ?

ಚಿಟ್ಟಿ ಚಿಟ್ಟಿ ಬ್ಯಾಂಗ್ ಬ್ಯಾಂಗ್ ವಿಂಟೋಜ್ ಕಾರನ್ನು ಸರ್ ಪೀಟರ್ ಜಾಕ್ಸನ್ ಖರೀದಿಸಲಿದ್ದಾರೆ. ಪೀಟರ್ ಜಾಕ್ಸನ್ ನ್ಯೂಜಿಲ್ಯಾಂಡಿನ ಚಿತ್ರ ನಿರ್ದೇಶಕ, ನಿರ್ಮಪಕ, ನಟರಾಗಿ ಜನಪ್ರಿಯ ವ್ಯಕ್ತಿ. ಈ ಕಾರು ಖರೀದಿ ಕುರಿತು ಪೀಟರ್ ವಕ್ತಾರರು ಖಚಿತಪಡಿಸಿದ್ದಾರೆ. ಈ ಕಾರು ಸುಮಾರು 24 ದಶಲಕ್ಷ ಡಾಲರಿಗೆ ಮಾರಾಟವಾಗುವ ನಿರೀಕ್ಷೆಯಿದೆ.

ಈ ಕಾರನ್ನು ಖರೀದಿಸುವ ಕುರಿತು ಸಂಬಂಧಿಸಿದ ಇಲಾಖೆಯೊಂದಿಗೆ ಪೀಟರ್ ಮಾತುಕತೆ ನಡೆಸುತ್ತಿದ್ದಾರೆ. ಈ ಕಾರನ್ನು ಮಕ್ಕಳ ರೈಡಿಗೆ ಅವಕಾಶ ಕಲ್ಪಿಸಿ ಚಾರಿಟಿ ಫಂಡ್ ಸಂಗ್ರಹಿಸುವ ಯೋಜನೆಯೂ ಅವರಿಗಿದೆ. ಈಗಾಗಲೇ ಈ ಕಾರು ಜಾಗತಿಕವಾಗಿ ಪ್ರಯಾಣ ಬೆಳೆಸಿ ಚಾರಿಟಿಗಳಿಗೆ ಹಣ ಸಂಗ್ರಹಿಸುತ್ತಿದೆ..

ಈ ಹಿಂದೆ ಮೈಕಲ್ ಜಾಕ್ಸನ್ ಕೂಡ ಈ ಕಾರನ್ನು ಖರೀದಿಸಲು ಬಯಸಿದ್ದರು. ಆದರೆ ಮಾಲಿಕ ಪಿರ್ ಪಿಕ್ಟನ್ ಇದನ್ನು ಮಾರಾಟ ಮಾಡುತ್ತಿಲ್ಲ ಎಂದು ತಿಳಿಸಿದ್ದ. ಮೈಕಲ್ ಜಾಕ್ಸನ್ ಗೆ ಒಲಿಯದ ಚಿಟ್ಟಿ ಚಿಟ್ಟಿ ಬ್ಯಾಂಗ್ ಬ್ಯಾಂಗ್ ಪೀಟರ್ ಗೆ ಒಲಿಯಲಿದೆ.