Just In
- 13 hrs ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 14 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 15 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 15 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- News ರಾಜಕೀಯ ನಿವೃತ್ತಿ ಕುರಿತು ಮಹತ್ವದ ಹೇಳಿಕೆ ನೀಡಿದ ಮಲ್ಲಿಕಾರ್ಜುನ್ ಖರ್ಗೆ
- Finance ಇನ್ಮುಂದೆ OTP ವಂಚನೆಗೆ ಬೀಳಲಿದೆ ಬ್ರೇಕ್, ಏನಿದು ಹೊಸ ವ್ಯವಸ್ಥೆ?
- Technology ರೆಡ್ಮಿ ಸಂಸ್ಥೆಯ ಈ ಅಗ್ಗದ ಫೋನಿನ ಆಫರ್ ಬೆಲೆ ತಿಳಿದ್ರೆ, ನೀವು ವಾವ್ ಅಂತೀರಾ!
- Sports 'ಟಿ20 ವಿಶ್ವಕಪ್ಗೆ ಈತನನ್ನು ಆಯ್ಕೆ ಮಾಡಿ'; ಅಜಿತ್ ಅಗರ್ಕರ್ಗೆ ಬಂತು ದೊಡ್ಡ ಮನವಿ!
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕ್ಲಾಸಿಕ್ ಹಾಗೂ ವಿಂಟೇಜ್ ವಾಹನಗಳಿಗೆ ಪ್ರತ್ಯೇಕ ನೋಂದಣಿ ನಿಯಮಗಳನ್ನು ಜಾರಿಗೆ ತಂದ ಕೇಂದ್ರ ಸರ್ಕಾರ
ಆಟೋ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿರುವ ಭಾರತದಲ್ಲಿ ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳ ಸಂಖ್ಯೆಯು ಭಾರೀ ಪ್ರಮಾಣದಲ್ಲಿದ್ದು, ಕ್ಲಾಸಿಕ್ ಮತ್ತು ವಿಂಟೇಜ್ ನಿರ್ವಹಣೆಗಾಗಿ ಕೇಂದ್ರ ಸರ್ಕಾರವು ಪ್ರತ್ಯೇಕ ಸಾರಿಗೆ ನಿಯಮಗಳನ್ನು ಹೊಂದಿದೆ.
ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನ ನಿರ್ವಹಣೆಯನ್ನು ಸರಳಗೊಳಿಸುವುದಕ್ಕಾಗಿ ಇದೀಗ ಹೊಸ ನೋಂದಣಿ ನಿಯಮಗಳನ್ನು ಜಾರಿಗೆ ತಂದಿದ್ದು, ಹೊಸ ನಿಯಮದಡಿ ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳನ್ನು ನೋಂದಣಿಗೆ ಹಲವು ವಿವಿಧ ಹಂತದ ಪರೀಕ್ಷೆಗಳನ್ನು ಕೈಗೊಳ್ಳಲಾಗುತ್ತಿದೆ. ಜೊತೆಗೆ ನೋಂದಣಿಯ ವಿಧಾನದಲ್ಲಿ ಕೆಲವು ಕಠಿಣ ಕ್ರಮಗಳನ್ನು ಜಾರಿಗೆ ತಂದಿರುವ ಕೇಂದ್ರ ಸರ್ಕಾರವು ಪ್ರತ್ಯೇಕ ಪ್ರಮಾಣ ಪತ್ರವನ್ನು ನೀಡುತ್ತಿದೆ.
ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳನ್ನು ಹೊಸ ಸಾರಿಗೆ ನಿಯಮದಡಿ ಪ್ರಮಾಣಿಕರಿಸಿದ್ದಲ್ಲಿ 10 ವರ್ಷಗಳ ಕಾಲ ಮಾನ್ಯವಾಗಿರಲಿದ್ದು, 10 ವರ್ಷಗಳ ನಂತರ ಮತ್ತೆ ನವೀಕರಿಸಬಹುದಾಗಿದೆ.
ಹೊಸ ಸಾರಿಗೆ ನಿಯಮದಡಿ ಪ್ರಮಾಣಪತ್ರ ಪಡೆಯಲು ಪ್ರತಿ ಕಾರಿಗೆ ರೂ. 20 ಸಾವಿರ ವೆಚ್ಚವಾಗಲಿದ್ದು, ಇದು 10 ವರ್ಷಗಳವರೆಗೆ ಮಾನ್ಯವಾಗಿರುತ್ತದೆ. 10 ವರ್ಷಗಳ ನಂತರ ನೋಂದಣಿಯನ್ನು ನವೀಕರಿಸಲು ಮಾಲೀಕರು ಹೆಚ್ಚುವರಿ ರೂ. 5 ಸಾವಿರ ಪಾವತಿ ಮಾಡಬೇಕಾಗುತ್ತದೆ.
ಬದಲಾಗಲಿವೆ ವಿಂಟೇಜ್ ವಾಹನಗಳ ನಂಬರ್ ಪ್ಲೇಟ್
ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳಿಗೆ ಜಾರಿಗೆ ತರಲಾದ ಹೊಸ ಸಾರಿಗೆ ನಿಯಮಗಳ ಜೊತೆಗೆ ಹಳೆಯ ವಾಹನಗಳಿಗೆ ವಿಶೇಷವಾದ ನೋಂದಣಿ ಸಂಖ್ಯೆಯನ್ನು ವಿತರಿಸಲಾಗುತ್ತಿದ್ದು, ಹೊಸ ಸಾರಿಗೆ ನಿಯಮದಡಿ ನೋಂದಣಿಯಾದ ವಾಹನಗಳ ಗುರುತಿಸಲು ಪ್ರತ್ಯೇಕ ನೋಂದಣಿ ಸಂಖ್ಯೆಯನ್ನು ನಮೂದಿಸಲಾಗುತ್ತದೆ. ಹೊಸ ಸ್ವರೂಪ ನೋಂದಣಿ ಸಂಖ್ಯೆಯು XX VA YY **** ಮಾದರಿಯಲ್ಲಿರಲಿದ್ದು, ಇದು ವಿಂಟೇಜ್ ವಾಹನ ಎಂಬುವುದು ಗುರುತಿಸಲು ಸಹಕಾರಿಯಾಗಲಿದೆ.
ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳಿಗೆ ನೀಡಲಾಗುವ ಹೊಸ ನೋಂದಣಿ ಸಂಖ್ಯೆಯಿಂದ ನಿಯಮ ಬಾಹಿರವಾಗಿ ಓಡಾವ ಹಳೆಯ ವಾಹನಗಳನ್ನು ನಿಯಂತ್ರಿಸಲು ಸಹಕಾರಿಯಾಗಿದ್ದು, ವಾಹನ ಉತ್ಪಾದನಾ ವರ್ಷ ಮತ್ತು ತಾಂತ್ರಿಕ ಅಂಶಗಳ ಆಧಾರದ ಮೇಲೆ ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳನ್ನು ಮಾನ್ಯ ಮಾಡಲಾಗುತ್ತದೆ.
ಇನ್ನು ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳು ಆಧುನಿಕ ವಾಹನಗಳ ಮಾದರಿಯಲ್ಲಿ ನಿರ್ದಿಷ್ಟ ಸಂಖ್ಯೆಯನ್ನು ಹೊಂದಿರುವುದಿಲ್ಲವಾದರೂ ಆಯಾ ರಾಜ್ಯಗಳಲ್ಲಿ ಸಾರಿಗೆ ನಿಯಮ ಅನುಸಾರವಾಗಿರುತ್ತದೆ. ಆದರೆ ಹೊಸ ನಿಯಮದಿಂದ ವಿಂಟೇಜ್ ವಾಹನಗಳಿಗೆ ಪ್ರತ್ಯೇಕವಾದ ನಂಬರ್ ಪ್ಲೇಟ್ ಸೂಚಿಸಲಿದೆ.
ಎಕ್ಸ್ಎಕ್ಸ್ ಎನ್ನುವುದು ಆಯಾ ರಾಜ್ಯಗಳನ್ನು ಪ್ರತಿನಿಧಿಸಲು ವಿಎ ಎನ್ನುವ ವಿಂಟೇಜ್ ಎಂದು ಪ್ರತಿನಿಧಿಸಲು ಮತ್ತು ವೈವೈ ಹಾಗೂ **** ಕೋಡ್ ನೆಮ್ ಅನ್ನು ವಾಹನಗಳಿಗೆ ಆಯಾ ರಾಜ್ಯಗಳ ನೋಂದಣಿ ಪ್ರಾಧಿಕಾರದ ಸಂಖ್ಯೆಯನ್ನು ಸೂಚಿಸಲಿದ್ದು, ಹೊಸ ನಂಬರ್ ಪ್ಲೇಟ್ಗಳ ಅಕ್ಷರಗಳನ್ನು ಹಸಿರು ಬಣ್ಣದೊಂದಿಗೆ ಸಮ್ಮಿಶ್ರಣಗೊಳಿಸಲಾಗುತ್ತಿದೆ.
MOST READ: ಪ್ರತಿ ಚಾರ್ಜ್ಗೆ ಗರಿಷ್ಠ 509ಕಿ.ಮೀ ಮೈಲೇಜ್ ನೀಡಲಿದೆ ಸ್ಕೋಡಾ ಎನ್ಯಾಕ್ ಎಲೆಕ್ಟ್ರಿಕ್ ಎಸ್ಯುವಿ..!
ಹೊಸ ಸಾರಿಗೆ ನಿಯಮದಿಂದ ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳಿಗೆ ಮತ್ತೊಂದು ಪ್ರಮುಖ ಲಾಭವೆಂದರೆ ವಿಂಟೇಜ್ ವಾಹನಗಳ ಮಾಲೀಕರು ಸುಲಭವಾದ ಸಾರಿಗೆ ನಿಯಮಗಳೊಂದಿಗೆ ಮರುಮಾರಾಟ ಮಾಡಲು ಮತ್ತು ಖರೀದಿಗೆ ಹೊಂದಿರುವ ಗ್ರಾಹಕರು ಸುಲಭವಾಗಿ ಮರುನೋಂದಣಿ ಮಾಡಿಕೊಳ್ಳಬಹುದಾಗಿದೆ.
ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳನ್ನು ಮಾರಾಟ ಮಾಡಿದ ಅಥವಾ ಖರೀದಿಸಿದ 90 ದಿನಗಳ ಒಳಗಾಗಿ ಖರೀದಿದಾರ ಅಥವಾ ಮಾರಾಟಗಾರನು ಆಯಾ ರಾಜ್ಯಗಳ ಸಂಬಂಧಪಟ್ಟ ಸಾರಿಗೆ ಅಧಿಕಾರಿಗಳಿಗೆ ಕಡ್ಡಾಯವಾಗಿ ಮಾಹಿತಿ ನೀಡಬೇಕಿದ್ದು, ಮಾನ್ಯತೆಯನ್ನು ದೃಡಿಕರಿಸಲು ಮರುನೋಂದಣಿಯು ಅವಶ್ಯವಾಗಿರುತ್ತದೆ.
MOST READ: ಭಾರತದಲ್ಲಿ ಎರಡು ಹೊಸ ಎಸ್ಯುವಿ ಕಾರು ಮಾದರಿಗಳನ್ನು ಬಿಡುಗಡೆ ಮಾಡಲಿದೆ ಹ್ಯುಂಡೈ
ಇನ್ನು ಹೊಸ ಸಾರಿಗೆ ನಿಯಮದಿಂದ ಕ್ಲಾಸಿಕ್ ಮತ್ತು ವಿಂಟೇಜ್ ವಾಹನಗಳಿರುವ ಹಲವು ನಿರ್ಬಂಧಗಳು ಸಡಿಲಗೊಂಡಿದ್ದು, ವಾಹನ ಪ್ರದರ್ಶನ, ತಾಂತ್ರಿಕ ಸಂಶೋಧನೆ ಅಥವಾ ವಿಂಟೇಜ್ ವಾಹನಗಳ ರ್ಯಾಲಿಗಳಲ್ಲಿ ಭಾಗವಹಿಸಲು ಪ್ರತ್ಯೇಕವಾಗಿ ಭಾರತೀಯ ರಸ್ತೆಗಳಲ್ಲಿ ಓಡಲು ಅನುಮತಿಸಲಾಗುತ್ತಿದೆ.