ಮನಸೊರೆಗೈದ ವಿಮಾನ ಶೈಲಿಯ ವಿಂಟೇಜ್ ವಾಹನ

1962ರ ಕಾಲಘಟ್ಟದಲ್ಲಿ ಡ್ರೈ ಲೇಕ್ ರೇಸ್ ನಲ್ಲಿ ಸ್ಪರ್ಧಿಸುವ ನಿಟ್ಟಿನಲ್ಲಿ ಜೆರ್ರಿ ಸಿಲ್ವರ್ ಸ್ಟೈನ್, ಜೂಲಿಯನ್ ಡೋಟಿ ಮತ್ತು ಅರ್ನಾಲ್ಡ್ ಬಿರ್ನರ್ ಎಂಬವರು ಸೇರಿ ಸಮ್ ಥಿಂಗ್ ವಾಹನವನ್ನು ನಿರ್ಮಿಸಿದ್ದರು.

ಬಳಿಕ 1989ರ ವರೆಗೆ ರೇಸ್ ಗಳಲ್ಲಿ ಭಾಗವಹಿಸಿರುವ ಈ ವಾಹನವು, ವಾಹನ ಲೋಕದ ಬೆಲೆಬಾಳುವ ಪಟ್ಟಿಯಲ್ಲಿ ಸೇರ್ಪಡೆಗೊಂಡಿದ್ದು, ಪ್ರಸ್ತುತ ಹರಾಜಿಗಿಡಲಾಗಿದೆ.

ವಿಮಾನ ಶೈಲಿಯ ವಿನ್ಯಾಸ ಪ್ರಮುಖ ಆಕರ್ಷಣೆಯಾಗಿದ್ದು, ವಾಹನದೊಳಗೂ ಬೇಕಾದಷ್ಟು ಸ್ಥಳಾವಕಾಶವನ್ನು ಕೊಡಲಾಗಿದೆ. ವಿಮಾನ ಶೈಲಿಯ ಕಾಕ್ ಪಿಟ್ ಸಹ ಇದರಲ್ಲಿದೆ.

ಇವೆಲ್ಲದರ ಹೊರತಾಗಿ ಇದೊಂದು ನೈಜ ರೇಸ್ ಕಾರು ಎಂಬುದು ಗಮನಾರ್ಹವೆನಿಸುತ್ತದೆ.

ವಿಂಟೇಜ್ ವಾಹನಗಳ ಸಾಲಿಗೆ ಸೇರಿರುವ ಸಮ್ ಥಿಂಗ್ ವಾಹನದಲ್ಲಿ ಸಮಕಾಲೀನ ಸುರಕ್ಷಾ ವೈಶಿಷ್ಟ್ಯಗಳಿರುವುದಿಲ್ಲ. ಅಂದರೆ ಏರ್ ಬ್ಯಾಗ್ ಆಗಲಿ, ಮಿರರ್ ಅಥವಾ ಹೆಡ್ ಲೈಟ್ ಗಳ ಸೇವೆ ಇದರಲ್ಲಿಲ್ಲ.

ಎರಡನೇ ಮಹಾಯುದ್ಧದಿಂದ ಸ್ಪೂರ್ತಿ ಪಡೆದ ಟ್ಯಾಂಕ್ ರಚನೆಯನ್ನು ನೀಡಲಾಗಿದೆ. ವರ್ಧಿತ ಟ್ಯೂಬ್ ಲರ್ ಫ್ರೇಮ್ ಜೊತೆಗೆ ಪ್ಯಾನೆಲ್ ಗಳಿರಲಿದೆ.

1989ನೇ ಇಸವಿಯ ಬಳಿಕ ಓಡಾಟ ನಡೆಸದಿದ್ದರೂ ಈಗಲೂ ತನ್ನ ಮಹತ್ವವನ್ನು ಕಾಪಾಡಿಕೊಂಡಿರುವ ವಾಹನವು ಇಲ್ಲಿಯ ವರೆಗೂ ಅಸ್ತಿತ್ವವನ್ನು ಕಾಪಾಡುತ್ತಾ ಬಂದಿದೆ.

ಸದ್ಯ ಕಾರನ್ನು ಹರಾಜಿಡಲಾಗಿದ್ದು, ಭಾರಿ ಮೊತ್ತವನ್ನು ಸಂಗ್ರಹಿಸುವ ನಿರೀಕ್ಷೆಯನ್ನಿಟ್ಟುಕೊಳ್ಳಲಾಗಿದೆ.