ಹೊಸ ಲಂಬೊರ್ಗಿನಿ ರಸ್ತೆಗೆ, ದರ 3.69 ಕೋಟಿ ರುಪಾಯಿ

ಅವೆಂಟಡೊರ್ ಕಾರು ಅತ್ಯಧಿಕ ಶಕ್ತಿಶಾಲಿ ಕಾರು. ಇದರಲ್ಲಿ ಸವಾರಿ ಮಾಡುವರಿಗೆ ಎಂಟೆದೆ ಇರಬೇಕು. ವೇಗದ ಕಾರು ಪ್ರಿಯರಿಗಂತೂ ಲಂಬೊರ್ಗಿನಿ ಯಾವತ್ತಿಗೂ ಅಚ್ಚುಮೆಚ್ಚು. ಹೃದಯದ ತೊಂದರೆ ಇರುವರು ಇದರ ದರ ಕೇಳಿ ಬೆಚ್ಚಿಬೀಳಬಾರದು. ಇದರ ಆರಂಭಿಕ ಎಕ್ಸ್ ಶೋರೂಂ ದರ 3.69 ಕೋಟಿ ರುಪಾಯಿ.

ಇಷ್ಟು ದರವಿದ್ದರೂ ಈಗಾಗಲೇ ದೇಶದಲ್ಲಿ 11 ಕಾರುಗಳನ್ನು ಖರೀದಿಸಿಯಾಗಿದೆ. ಕಂಪನಿ ಪರಿಚಯಿಸಿದ ಕೂಡಲೇ ಇಷ್ಟು ಜನರು ಮುಗಿಬಿದ್ದದ್ದು ಕಂಪನಿಗಂತೂ ಭಾರಿ ಖುಷಿ ನೀಡಿದೆ.

ನೂತನ ಲಂಬೊರ್ಗಿನಿ ಅವೆಂಟೊಡೊರ್ ಕಾರು ವಿ12 ಎಂಜಿನ್ ಹೊಂದಿದೆ. ಈ ಕಾರಿನಲ್ಲಿ ಗಂಟೆಗೆ ಗರಿಷ್ಠ 342 ಕಿ.ಮೀ. ವೇಗದಲ್ಲಿ ಸಾಗಬಹುದು. ಇದರಲ್ಲಿ ಕೇವಲ 2.9 ಸೆಕೆಂಡಿನಲ್ಲಿ ಗಂಟೆಗೆ 100 ಕಿ.ಮೀ. ವೇಗ ಪಡೆದುಕೊಳ್ಳಬಹುದು. ಈ ಕಾರು 400 ಎಂಎಂ 6 ಕ್ಯಾಲಿಪರ್ ಫ್ರಂಟ್ ಮತ್ತು 380ಎಂಎಂ 4 ಕಾಲಿಪೆರ್ ಡಿಸ್ಕ್ ಬ್ರೇಕ್ ಹೊಂದಿದೆ. ಇದರಿಂದ ಇದಕ್ಕೆ ಸ್ಪೋರ್ಟ್ಸ್ ಕಾರು ಹಿಡಿತ ದೊರಕಿದೆ.