ಬಚ್ಚನ್ ಸಿನಿಮಾದಲ್ಲಿ ಭವಿಷ್ಯದ ಸೂಪರ್ ಕಾರುಗಳು

ಅಭಿಷೇಕ್ ಬಚ್ಚನ್ ನಟನೆಯ ಮಿಷನ್ ಇಂಪಾಸಿಬಲ್ 4: ಘೋಸ್ಟ್ ಪ್ರೊಟೊಕಾಲ್ ಸಿನಿಮಾದಲ್ಲಿ ಭವಿಷ್ಯದ ಬಿಎಂಡಬ್ಲ್ಯು ಕಾರುಗಳಿವೆ. ಅಂದ್ರೆ ಮುಂದಿನ ವರ್ಷ ದೇಶದ ರಸ್ತೆಗಿಳಿಯುವ ಕಾರುಗಳನ್ನು ಹೆಚ್ಚಾಗಿ ಬಳಸಲಾಗಿದೆ.

ಈ ರೀತಿ ಸಿನಿಮಾಗಳಲ್ಲಿ ಕಾರುಗಳನ್ನು ಬಳಸುವುದರಿಂದ ಕಾರು ಕಂಪನಿಗಳಿಗೆ ಲಾಭವಿದೆ. ಕಾರು ಬ್ರಾಂಡುಗಳನ್ನು ಪ್ರಚಾರ ಮಾಡಲು ಸಿನಿಮಾಕ್ಕಿಂತ ಉತ್ತಮ ಮಾಧ್ಯಮವಿಲ್ಲ. ಹೀಗಾಗಿ ಬಿಎಂಡಬ್ಲ್ಯು ಮಿನಿ ಕೂಪರ್, ಪರಿಷ್ಕೃತ ಕ್ರಿಸ್ಲರ್ 300ಸಿ, ಮಾಝ್ದಾ ಇತ್ಯಾದಿ ಕಾರುಗಳು ಇತ್ತೀಚಿನ ಸಿನಿಮಾಗಳಲ್ಲಿ ಕಾಣುತ್ತಿವೆ.

ಇದರಲ್ಲಿ ಬಿಎಂಡಬ್ಲ್ಯು ಮಿನಿ ಮುಂದಿನ ತಿಂಗಳು ದೆಹಲಿಯಲ್ಲಿ ನಡೆಯಲಿರುವ ವಾಹನ ಪ್ರದರ್ಶನದಲ್ಲಿ ಅನಾವರಣಗೊಳ್ಳಲಿದೆ. ಈ ಹ್ಯಾಚ್ ಬ್ಯಾಕ್ ಕಾರು ಪೆಟ್ರೋಲ್ ಮತ್ತು ಡೀಸೆಲ್ ಆವೃತ್ತಿಗಳಲ್ಲಿ ದೊರಕಲಿದೆ. ಈ ಕಾರಿನ ದರ ಸುಮಾರು 18 ಲಕ್ಷ ರುಪಾಯಿಯಿಂದ 32 ಲಕ್ಷ ರುಪಾಯಿವರೆಗಿರಲಿದೆ.

ಕಾರು ಪ್ರಚಾರಕ್ಕೆ ಕಂಪನಿಗಳು ಈಗೀಗ ಸಿನಿಮಾಗಳನ್ನೇ ಪ್ರಮುಖ ಮಾಧ್ಯಮವಾಗಿ ಬಳಸಿಕೊಳ್ಳುತ್ತಿವೆ. ಸಿನಿಮಾ ಆರಂಭವಾಗುವ ಮುನ್ನ ಕಾಣುವ ಜಾಹೀರಾತುಗಳಿಗಿಂತ ನಮಗೆ ತಿಳಿಯದ ಹಾಗೇ ಕಾಣುವ ಇಂತಹ ಜಾಹೀರಾತುಗಳ ಮೂಲಕ ಕಾರು ಕಂಪನಿಗಳು ಬ್ರಾಂಡ್ ಪ್ರಚಾರಕ್ಕೆ ಹೊರಟಿವೆ. ರಾ.ಒನ್, ಘೋಸ್ಟ್ ಪ್ರೊಟೊಕಾಲ್ ಚಿತ್ರಗಳು ಇದಕ್ಕೆ ಇತ್ತೀಚಿನ ಉದಾಹರಣೆಗಳಾಗಿವೆ.