ದೇಶದಲ್ಲಿ ಫೋರ್ಸ್ ಮೋಟರ್ಸ್ 1 ಸಾವಿರ ಕೋಟಿ ರು. ಹೂಡಿಕೆ

ಹೈದರಾಬಾದಿನಲ್ಲಿ ಫೋರ್ಸ್ ಮೋಟರ್ಸ್ ಉದ್ಘಾಟಿಸಿದ ಸಂದರ್ಭದಲ್ಲಿ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕರಾದ ಪ್ರಸನ್ ಫಿರೊಡಿಯಾ ಹೂಡಿಕೆ ಯೋಜನೆ ಕುರಿತು ತಿಳಿಸಿದ್ದಾರೆ. ಕಂಪನಿಯು ಇತ್ತೀಚೆಗೆ ದೇಶದ ಮಾರುಕಟ್ಟೆಗೆ ಫೋರ್ಸ್ ಒನ್ ಸ್ಪೋರ್ಟ್ಸ್ ಕಾರು ಪರಿಚಯಿಸಿತ್ತು. ಇದು ಕಂಪನಿಯ ಮೊದಲ ಪ್ರಯಾಣಿಕ ವಾಹನ ಕೂಡ ಹೌದು.

ಜರ್ಮನಿಯ ಜಂಟಿ ಉದ್ಯಮ ಮ್ಯಾನ್ ಟ್ರಕ್ಸ್ ಕಂಪನಿಯಲ್ಲಿರುವ ತನ್ನ ಪಾಲನ್ನು ಸುಮಾರು 950 ಕೋಟಿ ರು.ಗೆ ಮಾರಾಟ ಮಾಡಲು ಕೂಡ ಫೋರ್ಸ್ ಮೋಟರ್ಸ್ ನಿರ್ಧರಿಸಿದೆ. ಕಂಪನಿಯು ಮ್ಯಾನ್ ಟ್ರಕ್ಸ್ ಜೊತೆಗೆ ಬಸ್ ಮತ್ತು ಟ್ರಕ್ ಉತ್ಪಾದಿಸುತ್ತಿದೆ. ಫೋರ್ಸ್ ಮೋಟರ್ಸ್ ಪ್ರಯಾಣಿಕ ಕಾರು ಮಾರುಕಟ್ಟೆಯಲ್ಲಿ ಹೆಚ್ಚು ಪಾಲು ಪಡೆಯಲು ಪ್ರಯತ್ನಿಸುತ್ತಿದೆ.