ಶೀಘ್ರದಲ್ಲಿ ದೇಶದ ರಸ್ತೆಗೆ ಜನರಲ್ ಮೋಟರ್ಸ್ ಐದು ಕಾರು

ಜನರಲ್ ಮೋಟರ್ಸ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕರಾದ ಕಾರ್ಲ್ ಸ್ಯಾಮ್ ಈ ಮಾಹಿತಿ ನೀಡಿದ್ದಾರೆ. ಆದರೆ ಅವರು ಯಾವುದೇ ಕಾರಿನ ಮಾಹಿತಿ ನೀಡಲು ನಿರಾಕರಿಸಿದ್ದಾರೆ.

ಮುಂದಿನ ವರ್ಷ ನೂತನ ಸಣ್ಣಕಾರು ರಸ್ತೆಗಿಳಿಯುವ ಸೂಚನೆಯನ್ನು ಕಾರ್ಲ್ ಸ್ಯಾಮ್ ನೀಡಿದ್ದಾರೆ. ಆದರೆ ಸ್ಪಾರ್ಕ್ ಮಾದರಿಯ ಕಾರುಗಳನ್ನು ಪರಿಚಯಿಸುವ ಕುರಿತು ಯಾವುದೇ ಮಾಹಿತಿ ನೀಡಿಲ್ಲ.

ಕಳೆದ ವರ್ಷ ಕಂಪನಿಯ ಪೆಟ್ರೋಲ್ ಮತ್ತು ಡೀಸೆಲ್ ಕಾರುಗಳ ಸರಾಸರಿ ಮಾರಾಟ 80:20 ಅನುಪಾತವಿತ್ತು. ಆದರೆ ಈ ವರ್ಷ ಅದು ಉಲ್ಟಾ ಹೊಡೆದಿದೆ ಎಂದು ಅವರು ಹೇಳಿದ್ದಾರೆ.

ಇತ್ತೀಚೆಗೆ ಕಂಪನಿಯು ಎಲೆಕ್ಟ್ರಿಕ್ ಬೀಟ್ ಕಾರಿನ ಪ್ರೊಟೊಟೈಮ್ ಮಾದರಿಯನ್ನು ದೇಶದಲ್ಲಿ ಪ್ರದರ್ಶಿಸಿತ್ತು. ಈ ಕಾರನ್ನು ಬೆಂಗಳೂರಿನ ಟೆಕ್ ಸೆಂಟರ್ ಅಭಿವೃದ್ಧಿಪಡಿಸಿತ್ತು.