ಚಿನ್ನದ ನ್ಯಾನೊ ಭದ್ರತೆಗೆ ದಿನಕ್ಕೆ ಲಕ್ಷ ರು. ಖರ್ಚು

ಹಾಗಂತ ಇದನ್ನು ಒಂದು ಲಕ್ಷ ರು. ಕಾರು ಅಂತ ಕೇವಲವಾಗಿ ನೋಡುವ ಹಾಗಿಲ್ಲ. ಯಾಕೆಂದರೆ ಚಿನ್ನ ಮತ್ತು ಬೆಳ್ಳಿಯಿಂದ ನಿರ್ಮಿಸಲಾಗಿರುವ ಈ ಕಲಾತ್ಮಕ ಕಾರಿನ ವೆಚ್ಚ ಸುಮಾರು 23 ಕೋಟಿ ರುಪಾಯಿ. ಹೀಗಾಗಿ ಈ ಕಾರಿನ ಭದ್ರತೆಯ ಕುರಿತು ಹೆಚ್ಚು ಗಮನ ಹರಿಸುವುದು ಅನಿವಾರ್ಯ.

ಈ ಚಿನ್ನದ ಕಾರಿಗೆ ಸಾವಿರಾರು ಜನರು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಕಂಪನಿಯು ಈ ಕಾರನ್ನು ವಿವಿಧ ನಗರಗಳಲ್ಲಿ ಸುಮಾರು 90 ದಿನಗಳ ಪ್ರದರ್ಶಿಸಲಿದೆ. ಇದಕ್ಕೆ ಕಂಪನಿ ಪ್ರತಿದಿನ ಸುಮಾರು ಒಂದು ಲಕ್ಷ ರುಪಾಯಿ ಖರ್ಚು ಮಾಡುತ್ತಿದೆಯಂತೆ.

ಅಂದಹಾಗೆ ಈ ಕಾರಿನ ದರ 23 ಕೋಟಿ ರು. ಹೀಗಾಗಿ ಇದರ ಭದ್ರತೆ ಪ್ರಮುಖ ಸಮಸ್ಯೆ. ಯಾರಾದರೂ ಇದರ ಮಿರರ್ ಕಿತ್ತುಕೊಂಡು ಹೋದರೂ ಕಂಪನಿಗೆ ಲಕ್ಷಾಂತರ ರುಪಾಯಿ ನಷ್ಟವಾಗಬಹುದು. ಗೋಲ್ಡ್ ಪಲ್ಸ್ ನ್ಯಾನೊ ದೇಶದ ದುಬಾರಿ ಕಾರು ಕೂಡ ಹೌದು.