ಹ್ಯುಂಡೈ ಐ10, ಇಯಾನ್: ಎಲ್ ಪಿಜಿ ಕಾರು ಬೇಕೆ?

ಇಂತಹ ಸಮಯದಲ್ಲಿ ಡೀಸೆಲ್ ನಂತರದ ಅತ್ಯುತ್ತಮ ಇಂಧನವಾಗಿ ಎಲ್ ಪಿಜಿ ಇದೆ. ಎಲ್ ಪಿಜಿ ಸಿಲಿಂಡರನ್ನು ಪೆಟ್ರೋಲ್ ಮತ್ತು ಡೀಸೆಲ್ ಕಾರಿಗೆ ಅಳವಡಿಸಬಹುದಾಗಿದೆ. ಮುಂದಿನ ಕೆಲವೇ ತಿಂಗಳಲ್ಲಿ ಕಂಪನಿಯು ಇಯಾನ್ ಮತ್ತು ಐ10 ಕಾರುಗಳ ಎಲ್ ಪಿಜಿ ಆವೃತ್ತಿ ತರಲಿದೆ ಎಂದು ವರದಿಗಳು ಹೇಳುತ್ತಿವೆ.

ವರದಿಗಳ ಪ್ರಕಾರ ಇಯಾನ್ ಮತ್ತು ಐ10 ಕಾರುಗಳು ಡ್ಯೂಯಲ್ ಫ್ಯೂಯಲ್ ಎಂಜಿನ್ ಹೊಂದಿರಲಿವೆಯಂತೆ. ಅಂದರೆ ಪೆಟ್ರೋಲ್ ಮತ್ತು ಎಲ್ ಪಿಜಿ ಆಯ್ಕೆ ಮಾಡುತ್ತ ಕಾರು ಚಲಾಯಿಸಬಹುದು. ಕಂಪನಿಯು ಮುಂದಿನ 5 ವರ್ಷಗಳಲ್ಲಿ ಹದಿನೈದು ಕಾರುಗಳನ್ನು ಹೊರತರುವುದಾಗಿ ಹೇಳಿತ್ತು. ಈ ಎರಡು ಎಲ್ ಪಿಜಿ ಆವೃತ್ತಿಗಳು ಕೂಡ ಈ ಲೆಕ್ಕದಲ್ಲಿ ಸೇರಿರಬಹುದು.

ಪೆಟ್ರೋಲಿಗೆ ಹೋಲಿಸಿದರೆ ಎಲ್ ಪಿಜಿ ಶೇಕಡ 20ರಿಂದ ಶೇಕಡ 40ರಷ್ಟು ಅಗ್ಗದ ಇಂಧನವಾಗಿದೆ. ಆದರೆ ಇದು ಬಿಡುಗಡೆ ಮಾಡುವ ಪವರ್ ಪೆಟ್ರೋಲಿಗಿಂತ ಕಡಿಮೆ. ಆದರೆ ಪರ್ಯಾಯ ಇಂಧನಗಳಲ್ಲಿ ಎಲ್ ಪಿಜಿ ಆಯ್ಕೆ ಕೂಡ ಹೆಚ್ಚು ಕಾರು ಗ್ರಾಹಕರನ್ನು ಸೆಳೆಯುತ್ತಿದೆ.