ಶಾರೂಖ್ ಖಾನ್ ಪತ್ನಿ ಗೌರಿಗೆ ಕಾರು ಉಡುಗೊರೆ

ಬಾಲಿವುಡ್ ನಟ ಶಾರೂಖ್ ಖಾನ್ ಮನದನ್ನೆ ಗೌರಿ ಫೋಕ್ಸ್ ವ್ಯಾಗನ್ ಫೇಟಾನ್ ಕಾರೊಂದನ್ನು ಉಡುಗೊರೆಯಾಗಿ ಪಡೆಯಲಿದ್ದಾರೆ. ಈ ಕಾರನ್ನು ನೀಡುತ್ತಿರುವುದು ಫೋಕ್ಸ್ ವ್ಯಾಗನ್ ಕಂಪನಿ. ಕಂಪನಿಗೂ ಈ ಸಿನಿಮಾಕ್ಕೂ ವಾಣಿಜ್ಯ ಸಂಬಂಧವಿರುವುದರಿಂದ ಚಿತ್ರ ಬಿಡುಗಡೆಗೂ ಮುನ್ನ ಫೋಕ್ಸ್ ವ್ಯಾಗನ್ ಈ ರೀತಿ ಕೃತಜ್ಞತೆ ಸಲ್ಲಿಸುತ್ತಿದೆ.

ನಾಳೆ ಸಂಜೆ ಮುಂಬೈನಲ್ಲಿ ಈ ಉಡುಗೊರೆ ನೀಡಲಾಗುವುದಂತೆ. ಆದರೆ ಯಾಕೆ ಉಡುಗೊರೆ ನೀಡಲಾಗುತ್ತಿದೆ ಎನ್ನುವುದು ಖಚಿತವಾಗಿಲ್ಲ. ದೀಪಾವಳಿ ಸಮಯದಲ್ಲಿ ಬಿಡುಗಡೆಯಾಗುವ ರಾ.ಒನ್ ಸಿನಿಮಾದಲ್ಲಿ ಫೋಕ್ಸ್ ವ್ಯಾಗನ್ ಪಾತ್ರವೇನಿದೆ ಎಂದು ನೋಡಬೇಕಿದೆ. ಆಗ ಈ ಉಡುಗೊರೆ ಹಿಂದಿನ ರಹಸ್ಯ ಬಹಿರಂಗವಾದೀತು.

ಅಂತೂ ಸಿನಿಮಾ ಬಿಡುಗಡೆಗೂ ಮುನ್ನವೇ ಗೌರಿ ಸಂಭ್ರಮ ಹೆಚ್ಚಲಿದೆ. ಪೋಕ್ಸ್ ವ್ಯಾಗನ್ ಫೇಟನ್ ದರ ಸುಮಾರು 30 ಲಕ್ಷ ರು. ಆಸುಪಾಸಿನಲ್ಲಿದೆ.