ಬೆಂಗಳೂರಿನಲ್ಲಿ ಟಾಟಾ ಮೋಟರ್ಸ್ ಟಿಪ್ಪರ್ ಅನಾವರಣ

Four Wheelers

oi-Praveen

By Praveen Chandra

Published: Friday, November 25, 2011, 10:28 [IST]

ಬೆಂಗಳೂರು, ನ 25: ಟಾಟಾ ಮೋಟರ್ಸ್ ದೇಶದ ಮೊದಲ ಫೋರ್ ಆಕ್ಸಲ್ 31 ಟನ್ ಟಿಪ್ಪರನ್ನು, ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನಿನೊಂದಿಗೆ ಅನಾವರಣ ಮಾಡಿದೆ.

ನೂತನ ಟಿಪ್ಪರ್ ಆಳ ಗಣಿಗಾರಿಕೆ ಪ್ರದೇಶಗಳಿಗೆ ಉಪಯೋಗವಾಗುವಂತದ್ದು. ಹೀಗಾಗಿ ಇದು ಬಳ್ಳಾರಿಯಂತಹ ಪ್ರದೇಶಗಳಲ್ಲಿ ಹೆಚ್ಚು ಉಪಯುಕ್ತ. ಕರ್ನಾಟಕದಲ್ಲಿ ಟಿಪ್ಪರ್ ವಹಿವಾಟನ್ನು ಹೆಚ್ಚಿಸಲು ನೂತನ ಟಿಪ್ಪರ್ ಕಂಪನಿಗೆ ನೆರವಾಗಲಿದೆ.

"ಆಳ ಗಣಿಗಾರಿಕೆಗೆ ಬಳಸುವ ಈ ಟಿಪ್ಪರ್ ವಾಣಿಜ್ಯ ಮಾರಾಟಕ್ಕೆ ಮುಂದಿನ ವರ್ಷ ದೊರಕಲಿದೆ" ಎಂದು ಟಾಟಾ ಮೋಟರ್ಸ್ ವಾಣಿಜ್ಯ ವಾಹನ ವಿಭಾಗದ ಅಧ್ಯಕ್ಷ ರವಿ ಪಿಶರೊಡಿ ಹೇಳಿದ್ದಾರೆ.

ಕಂಪನಿಯ ಟ್ರಕ್ ವ್ಯಾಪಾರದಲ್ಲಿ ಟಿಪ್ಪರ್ ಸೆಗ್ಮೆಂಟಿನ ಕೊಡುಗೆ ಶೇಕಡ 25ರಿಂದ ಶೇಕಡ 30ರಷ್ಟಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷದ ಟಿಪ್ಪರ್ ಮಾರಾಟ ಶೇಕಡ 45ರಿಂದ ಶೇಕಡ 50ರಷ್ಟು ಏರಿಕೆ ಕಂಡಿದೆ. (ಕನ್ನಡ ಡ್ರೈವ್ ಸ್ಪಾರ್ಕ್ )