ಟಾಟಾ ಕಾರ್ ದರ ಸುಮಾರು 36 ಸಾವಿರ ರೂ. ಹೆಚ್ಚಳ!

ಕಂಪನಿ ಕಾರ್ ದರಗಳನ್ನು ಪರಿಷ್ಕರಿಸಿದ ಮೇಲೆ ಟಾಟಾ ಇಂಡಿಕಾ ಕಾರ್ ದರಗಳು ಸುಮಾರು 7 ಸಾವಿರ ರೂ.ನಿಂದ 9 ಸಾವಿರ ರೂ.ವಿನಷ್ಟು ಹೆಚ್ಚಾಗಲಿದೆ. ಟಾಟಾ ವಿಸ್ಟಾ ಮತ್ತು ಇಂಡಿಗೊ ದರಗಳು ಸುಮಾರು 8 ಸಾವಿರ ರೂ.ನಿಂದ 11 ಸಾವಿರ ರೂ.ನಷ್ಟು ಹೆಚ್ಚಾಗಲಿದೆ. ಟಾಟಾ ಮಾಂಝಾ ದರ ಸುಮಾರು 10 ಸಾವಿರ ರೂ.ನಿಂದ 15 ಸಾವಿರ ರೂ.ನಷ್ಟು ಹೆಚ್ಚಾಗುವ ನಿರೀಕ್ಷೆಯಿದೆ. ಆದರೆ ನ್ಯಾನೊ ಕಾರ್ ದುಬಾರಿಯಾಗುವ ಕುರಿತು ಕಂಪನಿ ಇನ್ನೂ ಸ್ಪಷ್ಟಪಡಿಸಿಲ್ಲ.

ಇದರೊಂದಿಗೆ ಟಾಟಾ ಸುಮೊ ದರ 13 ಸಾವಿರ ರೂ.ನಿಂದ 15 ಸಾವಿರ ರೂ.ನಷ್ಟು ಹೆಚ್ಚಾಗಲಿದೆ. ಗ್ರಾಂಡೆ ದರ 16-19 ಸಾವಿರ ರೂ.ನಷ್ಟು, ಸಫಾರಿ 18-29 ಸಾವಿರ ರೂ.ನಷ್ಟು, ಟಾಟಾ ಆರಿಯಾ ದರ ಸುಮಾರು 30 ಸಾವಿರ ರೂ.ನಿಂದ 36 ಸಾವಿರ ರೂ.ವಿನಷ್ಟು ಮತ್ತು ಟಾಟಾ ವೆಂಚ್ಯೂರ್ ಸುಮಾರು 9 ಸಾವಿರ ರೂ.ನಿಂದ 12 ಸಾವಿರ ರೂ.ವಿನಷ್ಟು ಏರಿಕೆ ಕಾಣಲಿದೆ. ಏಪ್ರಿಲ್ ಒಂದರಿಂದ ಟಾಟಾ ಮೋಟರ್ಸ್ ಕಾರ್ ದರಗಳನ್ನು ಹೆಚ್ಚಿಸುವ ನಿರೀಕ್ಷೆಗಳಿವೆ.