ಫೆರಾರಿ ರೇಸರ್, ಮಕ್ಕಳಿಗೆ ದುಬಾರಿ ಆಟಿಕೆ ಕಾರ್

ಫೆರಾರಿ ಎಫ್ ಎಕ್ಸ್ ಎಕ್ಸ್ ರೇಸರ್ ಪೆಡಲ್ ಗೋ ಕಾರ್ಟ್ ಎಂಬ ಐಷಾರಾಮಿ ಮಕ್ಕಳ ಆಟಿಕೆ ಕಾರನ್ನು ಬರ್ಗ್ ಟಾಯ್ಸ್ ಹೊರತಂದಿದೆ. ರೇಸಿಂಗ್ ಬಗ್ಗೆ ಮಕ್ಕಳಲ್ಲಿ ಆಸಕ್ತಿ ಬೆಳೆಸಲು ಇಚ್ಚಿಸಿದರೆ ಈ ಆಟಿಕೆ ತಂದುಕೊಡಬಹುದು. ಪೆಡಲ್ ಸಿಸ್ಟಮ್ ಮೂಲಕ ಬಂದಿರುವುದರಿಂದ ಮಿತಿಮೀರಿದ ವೇಗದಲ್ಲಿ ಇದರಲ್ಲಿ ಹೋಗಲು ಸಾಧ್ಯವಿಲ್ಲ. ಹೀಗಾಗಿ ಮಕ್ಕಳಿಗೆ ಇದು ಸೇಫಾಗಿದೆ ಎನ್ನಬಹುದು.

ನಿಮ್ಮ ಮಗುವಿಗೆ ಇದು ಅತ್ಯದ್ಬುತ ಆಟಿಕೆ ಎನ್ನುವುದರಲ್ಲಿ ಸಂಶಯವೇ ಇಲ್ಲ. ಇದರಲ್ಲಿರುವುದೆಲ್ಲ ಆಕರ್ಷಕ ಫೀಚರ್ ಗಳೇ. 5 ಸ್ಪೋಕ್ ಅಲಾಯ್ ವೀಲ್ ಹೊಂದಿರುವ ಕಾರ್ಟ್ ನೋಡಲು ಒಂದಿಷ್ಟು ಹಾಟ್ ಆಗಿಯೇ ಇದೆ. ಗೋ ಕಾರ್ಟ್ ಸ್ಪೋರ್ಟ್ಸ್ ಡಿಸ್ಕ್ ಬ್ರೇಕ್ ಹೊಂದಿದ್ದು, ಸೀಟ್ ಬೆಲ್ಟ್ ಕೂಡ ಇದೆ.

ಏರೋಡೈನಾಮಿಕ್ ವಿನ್ಯಾಸ, 12 ಇಂಚಿನ ಹಗುರ ಮೆಟಲ್ ವೀಲ್ ರಿಮ್ ಮತ್ತು 7 ಗೇರ್ ಹೊಂದಿದೆ. ಡಬಲ್ ಡಿಸ್ಕ್ ಬ್ರೇಕ್, ಕಂಪ್ಯೂಟರ್ ಡ್ಯಾಷ್ ಬೋರ್ಡ್, ಮೆತ್ತನೆಯ ಸ್ಪೋರ್ಟ್ ಸೀಟ್, ಚಂದದ ಸ್ಟೀರಿಂಗ್ ವೀಲ್ ಇತ್ಯಾದಿ ಫೀಚರ್ ಗಳೂ ಇವೆ. ಇದಕ್ಕೆ 2 ವರ್ಷದ ವ್ಯಾರಂಟಿಯಿದ್ದು, ತೂಕ 41 ಕೆಜಿ ಇದೆ. ಈಗ ಇದು ಆನ್ ಲೈನ್ ಶಾಪಿಂಗ್ ತಾಣಗಳಲ್ಲಿ ದೊರಕುತ್ತಿದೆ. ಶಿಪ್ಪಿಂಗ್ ದರ ಸೇರಿ ಇದರ ದರ ಸುಮಾರು 5 ಲಕ್ಷ ರೂ. ಇರಬಹುದು.

ಇದಕ್ಕೆ ಇಷ್ಟು ಲಕ್ಷ ರೂ. ಕೊಡುವುದಕ್ಕಿಂತ ಮಗು ಒಂದಿಷ್ಟು ದೊಡ್ಡದಾದ ಮೇಲೆ ರಸ್ತೆಯಲ್ಲಿರುವ ಆಲ್ಟೊ, ಸ್ವಿಫ್ಟ್ ಗಿಫ್ಟ್ ಕೊಡುವುದು ಒಳ್ಳೆಯದು ಎಂದು ಯೋಚಿಸುತ್ತಿದ್ದೀರ? ನಿಮ್ಮಿಷ್ಟ!