ಚಾಲಕ ನಹೀ: ಕಾರು ಡ್ರೈವಿಂಗ್ ಮಾಡುವ ಫೋನ್ App

ಚಿತ್ರಲೋಕ

ಭವಿಷ್ಯದ ಸ್ವಯಂಚಾಲಿತ ವಾಹನಗಳ ಅನ್ವೇಷಣೆಗೆ ಸಂಸ್ಥೆಯ ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸುವ ಉದ್ದೇಶದಿಂದ ನೂತನ ಸ್ಮಾರ್ಟ್ ಫೋನ್ ಅಪ್ಲಿಕೇಷನ್ ಅಭಿವೃದ್ಧಿಪಡಿಸಿರುವುದಾಗಿ ಸಂಶೋಧಕ ಡಾ. ಜುನ್ ಜೊ ಹೇಳಿದ್ದಾರೆ. "ಭವಿಷ್ಯದ ಕಾರುಗಳಲ್ಲಿ ಡ್ರೈವರುಗಳು ಚಾಲನೆ ಮಾಡುತ್ತ ಸಮಯ ವ್ಯರ್ಥ ಮಾಡುವ ಅಗತ್ಯವಿರುವುದಿಲ್ಲ"ವೆಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

"ನಿಮ್ಮ ಟೈಂ ಟೇಬಲಿಗೆ ತಕ್ಕಂತೆ ಸ್ವಯಂಚಾಲೀತ ಕಾರುಗಳು ನಿಮ್ಮ ಮನೆ ಮುಂದೆ ಅಥವಾ ಕಚೇರಿ ಬಂದು ನಿಲ್ಲಲಿವೆ. ನೀವು ಹತ್ತಿ ಕುಳಿತರೆ ಸಾಕು. ನೀವು ಸೇರಬೇಕಾದ ಸ್ಥಳದ ಮಾಹಿತಿಗೆ ತಕ್ಕಂತೆ ಕೊಂಡೊಯ್ದು ಬಿಡಲಿವೆ. ಡ್ರೈವಿಂಗ್ ಮಾಡುವ ಕಷ್ಟವಿರುವುದಿಲ್ಲ" ಎಂದು ಜುನ್ ಜೊ ಭವಿಷ್ಯದ ಸ್ವಯಂಚಾಲಿತ ಕಾರುಗಳ ಪರಿಕಲ್ಪನೆಯನ್ನು ತೆರೆದಿಟ್ಟಿದ್ದಾರೆ.

ಈ ಕಾರುಗಳಲ್ಲಿ ಸ್ಮಾರ್ಟ್ ಫೋನಿನ ಕ್ಯಾಮಾರವನ್ನು ರಸ್ತೆಯ ಮುಂಭಾಗ ಕಾಣಿಸುವಂತೆ ಇಡಬೇಕಂತೆ. ಸ್ಮಾರ್ಟ್ ಫೋನಿನಲ್ಲಿರುವ ಅಪ್ಲಿಕೇಷನ್ ಕಾರಿನಲ್ಲಿರುವ ಕಂಪ್ಯೂಟರ್ ಸಾಧನವೊಂದಕ್ಕೆ ಮಾಹಿತಿ ರವಾನಿಸುತ್ತದೆಯಂತೆ. ಈಗಾಗಲೇ ಯುಎಸ್ ಬಿ ಮೂಲಕ ಸ್ಮಾರ್ಟ್ ಫೋನ್ ಕನೆಕ್ಟ್ ಮಾಡಿ ಕಾನ್ಸೆಪ್ಟ್ ಕಾರನ್ನು ಚಲಾಯಿಸಿ ಜುನ್ ಜೋ ತೋರಿಸಿಕೊಟ್ಟಿದ್ದಾರೆ.

ಅಂದಹಾಗೆ ಮಾತನಾಡುವ ಕಾರುಗಳ ಕುರಿತಾದ ಲೇಖನ ಓದಿದ್ದೀರಾ? ಇಲ್ಲಾಂದ್ರೆ ಈಗ್ಲೇ ಓದಿಬಿಡಿ.