ಕೆಫೆಯಲ್ಲಿ ಪ್ರೇಮಿಗಳಿಗೆ ಕಾಫಿ ಮತ್ತು ಚಾಕೋಲೆಟ್ ಉಚಿತ

ಒಬ್ಬಂಟಿಯಾಗಿ ಬಂದ್ರೆ ಬಿಟ್ಟಿಯಾಗಿ ಟೀ ಕಾಫಿ, ಚಾಕೋಲೆಟ್ ದೊರಕದು. ನಲ್ಲ ಅಥವಾ ನಲ್ಲೆ ಜೊತೆಗೆ ಬಂದರೆ ಫಿಯೆಟ್ ಕೆಫೆಯಲ್ಲಿರುವ ಕಾರುಗಳನ್ನು ನೋಡುತ್ತ ಕಾಫಿ ಕುಡಿಯಬಹುದು. ಫಿಯೆಟ್ ಕೆಫೆಯಲ್ಲಿ ಫಿಯೆಟ್ ಕಂಪನಿಯ ಚರಿತ್ರೆ, ಇತಿಹಾಸವನ್ನು ದಾಖಲಿಸಲಾಗಿದೆ.

ಇದೇ ಕೆಫೆಯಲ್ಲಿ ಫಿಯೆಟ್ ಪುಂಟೊ ಮತ್ತು ಲಿನಿಯಾ ಕಾರುಗಳನ್ನು ಟೆಸ್ಟ್ ಡ್ರೈವ್ ಕೂಡ ಮಾಡಬಹುದಾಗಿದೆ. ಈ ಕೆಫೆಗೆ ಪ್ರೇಮಿಗಳ ದಿನದಂದು ಬಂದವರಿಗೆ ಕಂಪನಿಯು ಉಡುಗೊರೆ ಸಹ ನೀಡಲಿದೆ. ಒಟ್ಟಾಗಿ ಎಲ್ಲಾ ಜೋಡಿಗಳೊಂದಿಗೆ ಫೋಟೊ ಕೂಡ ತೆಗೆಸಿಕೊಳ್ಳಬಹುದಾಗಿದೆ.

ಒಟ್ಟಾರೆ ಈ ಪ್ರೇಮಿಗಳ ದಿನದಂದು ದೆಹಲಿ ಪ್ರೇಮಿಗಳಿಗೆ ಇದು ಸಿಹಿ ಸುದ್ದಿಯಾಗಬಹುದು. ಬೆಂಗಳೂರಿನ ಪ್ರೇಮಿಗಳಿಗೆ ಕಬ್ಬನ್ ಪಾರ್ಕ್, ಲಾಲ್ ಬಾಗ್ ಇದೆಯಲ್ವ ಸಾಕು. ಉಚಿತ ಕಾಫಿ ಟೀ ಯಾರಿಗೆ ಬೇಕು ಅಲ್ವೆ?