ಇನ್ನೋವಾಕ್ಕೆ ಸೆಡ್ಡು, ಹೊಸ ಷೆವರ್ಲೆ ಕಾರು ಬಂತು ನೋಡಿ..

ತವೆರಾ ಕಾರಿನ ಬೆರಗಿನ ಚಿತ್ರಗಳು

ಹೊಸ Tavera Neo 3 ಬೇಕೆಂದ್ರೆ ದೇಶದ ಯಾವುದೇ ಮೂಲೆಯಲ್ಲಿರುವ ಷೆವರ್ಲೆ ಶೋರೂಂನಲ್ಲಿ ಬುಕ್ಕಿಂಗ್ ಮಾಡಬಹುದು. ಹೊಸ ವಿನ್ಯಾಸದ ಹೆಡ್ ಲ್ಯಾಂಪ್, ಆಕರ್ಷಕ ಸೈಡ್ ಇಂಡಿಕೇಟರ್ ಮತ್ತು ಅತ್ಯಾಕರ್ಷಕ ಮುಂಭಾಗದ ಗ್ರಿಲ್ ವಿನ್ಯಾಸ, ಸುಂದರ ಕೆತ್ತನೆಯ ಷೆವರ್ಲೆ ಲೊಗೊ ನೂತನ ಕಾರಿನ ಪ್ರಮುಖ ಆಕರ್ಷಣೆಗಳಾಗಿವೆ, ಟೊಯೊಟಾ ಇನ್ನೋವಾಕ್ಕೆ ನೂತನ ತವೆರಾ ಸಮರ್ಥವಾಗಿ ಪೈಪೋಟಿ ನೀಡುವ ನಿರೀಕ್ಷೆಯಿದೆ.

ಹಳೆಯ ತವೆರಾ ಕಾರಿಗಿಂತ ಸಾಕಷ್ಟು ಮಾಡರ್ನ್ ಆಗಿ ನಿಯೊ 3 ಬಂದಿದೆ. ಇದು ಡೈರೆಕ್ಟ್ ಇಂಜೆಕ್ಷನ್ ತಂತ್ರಜ್ಞಾನದ ಜೊತೆಗೆ 2.0 ಲೀಟರ್ ಡೀಸೆಲ್ ಎಂಜಿನ್ ಹೊಂದಿದೆ. ಈ ಮಾದರಿಯ ತವೆರಾ ಕಾರು 6,7,8,9 ಮತ್ತು ಹತ್ತು ಸೀಟಿನ ಆಯ್ಕೆಗಳಲ್ಲಿ ದೊರಕುತ್ತಿದೆ. ಮನೆಯಲ್ಲಿ ಎಷ್ಟು ಜನರಿದ್ದಿರೋ ಅಷ್ಟು ಸೀಟಿನ ಕಾರು ಖರೀದಿಸಬಹುದು!

ಇದರ ದರ ಹೆಚ್ಚು ಗಮನ ಸೆಳೆಯುತ್ತಿದೆ. ಷೆವರ್ಲೆ ತವೆರಾ ನಿಯೊ 3ಯ ಬೇಸ್ ಆವೃತ್ತಿ ಹತ್ತು ಸೀಟಿನ ಕಾರಿನ ದರ 6.72 ಲಕ್ಷ ರು. ಇದೆ. ಏಳು ಸೀಟಿನ ಹೈಎಂಡ್ ಆವೃತ್ತಿ ದರ 10.02 ಲಕ್ಷ ರುಪಾಯಿ ಇದೆ. ಇದೆಲ್ಲ ದೆಹಲಿ ಎಕ್ಸ್ ಶೋರೂಂ ದರ. ಇನ್ನಷ್ಟು ಇಂಟ್ರೆಸ್ಟಿಂಗ್ ವಿಷ್ಯ ಓದಲು ಇಲ್ಲಿಗೆ ಬನ್ನಿರಿ.